قازاقستاندىقتاردىڭ جەكە دەرەكتەرى جەلىگە تاراپ كەتتى
كيبەرشابۋىلداردى تالداۋ جانە تەرگەۋ ورتالىعى Telegram مەسسەندجەرىندە قازاقستاندىقتاردىڭ دەرەكتەرى تارالىپ كەتكەندىگىن حابارلادى.
2022 جىلدان 2023 جىلعا دەيىن ارەكەت ەتكەن BreachForums فورۋمىنىڭ زياندى باعدارلامالىق قامتاماسىز ەتۋدى جانە ۇرلانعان دەرەكتەردى ساتۋمەن اينالىسقانى بەلگىلى بولدى. فورۋمدا قازاقستاننان 15 حاكەر تىركەلگەنى بولجانىپ وتىر.
تاراعان دەرەكتەر 2022 جىلدىڭ 29 قاراشاسىنا دەيىنگى بارلىق دەرەكتەردى، سونىڭ ىشىندە پايدالانۋشىلاردىڭ يدەنتيفيكاتورلارىن، حەشتەلگەن قۇپيا سوزدەردى، جەكە حابارلامالاردى، فورۋمدىق كرەديتتەردى ساتىپ الۋ ءۇشىن پايدالانىلعان كريپتوۆاليۋتا مەكەنجايلارىن جانە سايتتاعى بارلىق حابارلامالاردى قامتيدى.
“كەيبىر مالىمەتتەر بويىنشا، بۇل دەرەكتەر رەسۋرس بۇرىنعى اكىمشىسى كونور برايان ءفيتتسپاتريدىڭ دەرەكتەر بازاسىنىڭ ساقتىق كوشىرمەسىنەن الىنعان. سونىمەن قاتار، فورۋم قاتىسۋشىلارىنان كەلگەن ءتۇرلى حابارلامالار بار. ءبىر حابارلامادا ماڭىزدى قازاقستاندىق بانك بۇزىلعانى ايتىلعان. قازىرگى ۋاقىتتا قۇقىق قورعاۋ ورگاندارى وسى دەرەكتەر بازاسىنا يە”، – دەپ مالىمدەدى تساركا نەگىزىن قالاۋشى ولجاس ساتيەۆ.
تاراپ كەتكەن دەرەكتەردىڭ ىشىندە قازاقستاندىق رەسۋرستاردىڭ دا دەرەكتەرى تابىلدى:
- قىزمەت كورسەتۋ ستانتسياسىن باسقارۋ بازاسىنىڭ تارالۋى — رەسەي مەن قازاقستان — SQL رەزەرۆتىك كوشىرمەسى، قولجەتىمدىلىك جانە SCADA;
- Spark كولىك-لوگيستيكالىق كومپانياسىنىڭ دەرەكتەرى;
- شاكارىم اتىنداعى ۋنيۆەرسيتەتتىڭ ستۋدەنتتەرى مەن تالاپكەرلەرىنىڭ دەرەكتەر بازاسىنىڭ تارالۋى;
- 2022 جىلدىڭ 24 ماۋسىمىنداعى B2B 2GIS قازاقستاننىڭ تولىق دەرەكتەر بازاسىنىڭ تارالۋى;
- قازاقستان مەن رەسەيدەگى Yandex Food پايدالانۋشىلارىنىڭ دەرەكتەرىنىڭ تارالۋى;
- 2021 جىلعى قازاقستان مەن رەسەيدەگى Fonbet بۋكمەكەرلىك كومپانياسىنىڭ پايدالانۋشىلارىنىڭ دەرەكتەرىنىڭ تارالۋى.
Abai.kz
