ەلىمىزدەگى ءۇش مىڭنان اسا قوقىس پوليگونىنىڭ 80%-ى تالاپقا ساي كەلمەيدى، دەپ حابارلايدى Halyq Uni.

ۇكىمەت جاريالاعان قورىتىندىعا سايكەس، بيىلعى ءبىرىنشى جارتىجىلدىقتا ونەركاسىپتەگى قالدىقتاردى قايتا وڭدەۋ ۇلەسى 20%، ال كوممۋنالدىق قالدىقتار ۇلەسى 22,5% بولعان. تۇرمىستىق قاتتى قالدىقتاردى (تقق) قايتا وڭدەۋگە ارنالعان زاۋىتتار سالۋ بويىنشا 232 ملرد تەڭگەگە 94 جوبا ماقۇلداندى. ونىڭ ىشىندە 136 ملرد تەڭگەدەن استام قارجىعا 22 جوبا الدىن الا ماقۇلداندى.

– ەلىمىزدە 3 016 پوليگون بار. ونىڭ 21%-ى تالاپتارعا سايكەس كەلەدى. جاعدايدى جاقسارتۋ ءۇشىن قولدانىستاعى تقق پوليگوندارىنا قويىلاتىن تالاپتاردى وڭايلاتۋ تەتىگى بەكىتىلدى. زاڭداستىرۋعا جاتاتىن پوليگوندارعا قويىلاتىن كريتەريلەر مەن ەڭ تومەنگى تالاپتار بەلگىلەندى، – دەلىنگەن حابارلامادا.

قوقىس شىعارۋشى ۇيىمداردى GPS-ترەكەرلەر جۇيەسىنە قوسۋ بويىنشا جۇمىس جۇرگىزىلىپ جاتىر. بۇل ارقىلى قوقىس شىعارۋعا مونيتورينگ جاساۋ مەن قاداعالاۋدى جاقسارتۋعا مۇكىندىك تۋادى.

بيىل جەتى ەلدى مەكەن عارىشتىق مونيتورينگ ارقىلى رۇقسات ەتىلمەگەن پوليگونداردى انىقتاۋ جانە جويۋ ماقساتىندا تەكسەرىلەدى. «ە-قۇرىلىس» اقپاراتتىق جۇيەسىندە قۇرىلىس قالدىقتارىن قاداعالاۋ تەتىگى ەنگىزىلدى. بۇل قۇرىلىس قالدىقتارىن ءتيىمدى باسقارۋعا جانە ولاردى زاڭسىز ورنالاستىرۋدىڭ الدىن الۋعا مۇمكىندىك بەرەدى.

Abai.kz