تيمۋر قۇلىباەۆقا تيەسىلى «كاسپي مۇناي» اق زياندى قالدىقتار ءۇشىن 13,7 ملرد تەڭگە ايىپپۇل تولەيدى.

كومپانيا 2021-2022 جىلدارى كەن ورنىن بۇرعىلاۋ جانە پايدالانۋ ناتيجەسىندە پايدا بولعان 4,5 مىڭ توننادان استام قاۋىپتى قالدىقتاردىڭ جيناقتالۋىنا ليميت الماپتى.

پروكۋروردىڭ ۇسىنىسىن قاراۋ ناتيجەسىندە اتىراۋ وبلىستىق سوتىنىڭ  قاۋلىسىمەن «كاسپي مۇناي» اق اكىمشىلىك جاۋاپكەرشىلىككە تارتىلدى. قر اقبتك-ءنىڭ  328 بابىنا سايكەس 13 684 868 730 تەڭگە ايىپپۇل سالىندى. قاراجات ۇلتتىق قورعا تۇسەدى.

Forbes.kz مالىمەتىنشە، «كاسپي مۇناي» اق اتىراۋ وبلىسىنىڭ جىلىوي اۋدانىنداعى ايرانكول مۇناي-گاز كەن ورنىن يگەرۋدە.

2022 جىلى كومپانيانىڭ كىرىسى 197,12 ملرد تەڭگەنى قۇرادى، بۇل ءبىر جىل بۇرىنعى 163,26 ملرد تەڭگەدەن 20%-عا ارتىق. شيكى مۇناي جانە مۇناي ونىمدەرى تۇرىندەگى ونىمدەردىڭ 76%-دان استامى ەكسپورتقا ساتىلادى.

ونىڭ ىشىندە كىرىستىڭ 73%-ى ءبىر ساتىپ الۋشى – Vitol Energy Trading SA كومپانياسىنان تۇسكەن. قالعان 23 پايىزى مۇناي ونىمدەرىن ىشكى نارىقتا ساتۋدان تۇسەدى. ءبىر جىل ىشىندە كاسپي مۇنايى 49 ملرد تەڭگە تابىس تاپتى.

وتكەن جىلدىڭ سوڭىندا كومپانيا تولەنگەن سالىق كولەمى بويىنشا تىزىمدە ءۇشىنشى ورىنعا شىقتى. ولاردىڭ كولەمى 105,8 ملرد تەڭگەنى قۇرادى، بۇل 2021 جىلعى 65 ملرد تەڭگەدەن 61%-عا ارتىق.

تەكسەرىلگەن مالىمدەمەلەرگە سايكەس، 2022 جىلى كاسپي مۇناي جالعىز اكتسيونەرىنە 300 ميلليون دوللاردان استام سومادا ديۆيدەند تولەگەن.

كومپانيانىڭ يەسى «Joint Resources» اق بولىپ تابىلادى. سوڭعى بەنەفيتسيار تيمۋر قۇلىباەۆ (Forbes Kazakhstan تىزىمىندەگى  باي بيزنەسمەندەر رەيتينگىسىندە ەكىنشى ورىندا).

Abai.kz