اقش، كاتار جانە مىسىر گازا سەكتورىنداعى بىتىمگەرشىلىك تۋرالى كەلىسسوزدەر قايتا باستالۋى ءتيىس دەپ مالىمدەيدى.

بىرلەسكەن مالىمدەمەدە حاماس پەن يزرايلگە ۇندەۋ جاسالىپ، تاراپتاردى وق اتۋدى توقتاتۋ تۋرالى كەلىسسوزدەردى قايتا باستاۋعا شاقىرعان. ول بويىنشا كەلىسسوزدەر 14-15 تامىز ارالىعىندا ءوتۋى ءتيىس.

يزرايل نە دەيدى؟

يزرايل كەلىسسوزدەرگە قاتىساتىنىن مالىمدەدى. بۇل تۋرالى پرەمەر بەنيامين نەتانياحۋ ايتتى. نەتانياحۋ كەڭسەسى: «يزرايل 15 تامىزدا گازاداعى ۇرىستى توقتاتۋ تۋرالى كەلىسسوزدەرگە ءوز دەلەگاتسياسىن (كەلىسسوزشىلەرىن) جىبەرەتىن بولادى»، - دەپ مالىمدەدى.

حاماس جەتەكشىسى سينۆار مامىلە جاساعىسى كەلەدى

پالەستينالىق حاماس قوزعالىسى ساياسي بيۋروسىنىڭ جاڭا باسشىسى ياحيا سينۆار يرانمەن جاعداي شيەلەنىسكەنگە دەيىن يزرايلمەن وق اتۋدى توقتاتۋ جانە تۇتقىنداردى بوساتۋ تۋرالى كەلىسىمگە قول جەتكىزۋگە مۇددەلىلىك تانىتتى. بۇل تۋرالى ءيزرايلدىڭ 12-ءشى تەلەارناسى حاماس-تاعى دەرەككوزدەرگە سىلتەمە جاساي وتىرىپ حابارلادى.

ونداعى دەرەكتەرگە سەنسەك، سينۆار قوزعالىس باسشىلىعىنىڭ گازادان تىس جەرلەردەگى وكىلدەرىنە «جولداۋ حات» جولداعان. جولداۋدا ول ولاردى يران تاراپىنان بولۋى مۇمكىن شابۋىلعا دەيىن يزرايلمەن وق اتۋدى توقتاتۋ تۋرالى كەلىسىمگە كەلۋگە شاقىرعان.

تەلەارنا دەرەككوزدەرىنىڭ ايتۋىنشا، قوزعالىستىڭ جاڭا كوشباسشىسىنىڭ تەگەرانمەن جاقسى قارىم-قاتىناسى جوق، سونىمەن قاتار ول حاماس اسكەري باسشىلىعىنىڭ قىسىمىنا تاپ بولادى.

ولاردىڭ مالىمەتتەرىنشە، سينۆار ءوز جولداۋىندا كاتارداعى باسشىلىق مۇشەلەرىن يزرايلمەن كەلىسسوزدەر ۇدەرىسىنە ارالاسپاۋعا شاقىردى: وعان ونىڭ ورىنباسارى حاليل ءال-حايا مەن ساياسي بيۋرونىڭ مۇشەسى گازي حاماد عانا قاتىسا الادى، ولار گازادان كەتىپ، قاقتىعىستان ءسال بۇرىن بەيرۋت قالاسىنا كەتتى.

اقش، مىسىر جانە كاتار كوشباسشىلارى يزرايل مەن حاماس-تى وق اتۋدى توقتاتۋ جانە كەپىلدىككە الىنعانداردى بوساتۋ تۋرالى كەلىسىمگە قول قويۋ ماقساتىندا جەدەل كەلىسسوزدەردى قايتا باستاۋعا شاقىرىپ، «تاراپتاردىڭ ەشقايسىسىندا كەيىنگە قالدىرۋعا ەشقانداي سەبەپ جوق» دەپ سانايدى.

Abai.kz