تالعات ەشەنۇلى. ادەبيەت ەشكىمدى جاس پەن جىنىسقا بولمەيدى
«جۋسان قىز» وقىرمانعا جول تارتتى
2014 جىلدىڭ اقپان ايىندا اقىن ازامات تاسقاراۇلىنىڭ «جۋسان قىز» اتتى جىر جيناعى استاناداعى «فوليانت» باسپاسىنان جارىق كوردى.
ازامات تاسقاراۇلى – اقىن. قر جازۋشىلار وداعىنىڭ مۇشەسى. قر ۇكىمەتىنىڭ «دارىن» مەملەكەتتىك جاستار سىيلىعىنىڭ يەگەرى. حالىقارالىق «شابىت» شىعارماشىل جاستار فەستيۆالىنىڭ گران پري يەگەرى.
اقىننىڭ اتالمىش كىتابى حالىقارالىق «التىن قىران» قايىرىمدىلىق قورىنىڭ (پرەزيدەنتى – يسلامبەك سالجانوۆ) دەمەۋشىلىگىمەن استانا قالاسىنداعى «فوليانت» باسپاسىنان جارىق كوردى. كىتاپتىڭ كولەمى 5 باسپاتاباق. تارالىمى 1000 دانا. كىتاپقا العىسوز ورنىنا اعا بۋىن وكىلدەرى – حالىق جازۋشىسى، قر مەملەكەتتىك سىيلىعىنىڭ يەگەرى، مارقۇم فاريزا وڭعارسىنوۆا، بۇكىلالەمدىك ونەر مەن مادەنيەت اكادەمياسىنىڭ اكادەميگى، جازۋشى روللان سەيسەنباەۆ، اقىن تىنىشتىقبەك ابدىكاكىمۇلى، حالىقارالىق «الاش» ادەبي سىيلىعىنىڭ يەگەرلەرى جاركەن بودەش، قازىبەك يسا، مارالتاي رايىمبەكۇلى جانە قر مەملەكەتتىك «دارىن» سىيلىعىنىڭ يەگەرى تالعات ەشەنۇلى سەكىلدى ءىرى قالامگەرلەر ءوز پىكىرلەرىن بىلدىرگەن. كىتاپتىڭ سىرتقى مۇقاباسىنا سەمەيلىك تالانتتى سۋرەتشى، قر سۋرەتشىلەر وداعىنىڭ مۇشەسى تالعات تاتيەۆتىڭ كارتيناسى پايدالانىلعان.
***
تالعات ەشەنۇلى،
«جۋسان قىز» وقىرمانعا جول تارتتى
2014 جىلدىڭ اقپان ايىندا اقىن ازامات تاسقاراۇلىنىڭ «جۋسان قىز» اتتى جىر جيناعى استاناداعى «فوليانت» باسپاسىنان جارىق كوردى.
ازامات تاسقاراۇلى – اقىن. قر جازۋشىلار وداعىنىڭ مۇشەسى. قر ۇكىمەتىنىڭ «دارىن» مەملەكەتتىك جاستار سىيلىعىنىڭ يەگەرى. حالىقارالىق «شابىت» شىعارماشىل جاستار فەستيۆالىنىڭ گران پري يەگەرى.
اقىننىڭ اتالمىش كىتابى حالىقارالىق «التىن قىران» قايىرىمدىلىق قورىنىڭ (پرەزيدەنتى – يسلامبەك سالجانوۆ) دەمەۋشىلىگىمەن استانا قالاسىنداعى «فوليانت» باسپاسىنان جارىق كوردى. كىتاپتىڭ كولەمى 5 باسپاتاباق. تارالىمى 1000 دانا. كىتاپقا العىسوز ورنىنا اعا بۋىن وكىلدەرى – حالىق جازۋشىسى، قر مەملەكەتتىك سىيلىعىنىڭ يەگەرى، مارقۇم فاريزا وڭعارسىنوۆا، بۇكىلالەمدىك ونەر مەن مادەنيەت اكادەمياسىنىڭ اكادەميگى، جازۋشى روللان سەيسەنباەۆ، اقىن تىنىشتىقبەك ابدىكاكىمۇلى، حالىقارالىق «الاش» ادەبي سىيلىعىنىڭ يەگەرلەرى جاركەن بودەش، قازىبەك يسا، مارالتاي رايىمبەكۇلى جانە قر مەملەكەتتىك «دارىن» سىيلىعىنىڭ يەگەرى تالعات ەشەنۇلى سەكىلدى ءىرى قالامگەرلەر ءوز پىكىرلەرىن بىلدىرگەن. كىتاپتىڭ سىرتقى مۇقاباسىنا سەمەيلىك تالانتتى سۋرەتشى، قر سۋرەتشىلەر وداعىنىڭ مۇشەسى تالعات تاتيەۆتىڭ كارتيناسى پايدالانىلعان.
***
تالعات ەشەنۇلى،
اقىن،
قر مەملەكەتتىك «دارىن» سىيلىعىنىڭ يەگەرى:
- مويىنداتۋ ءۇشىن، مويىندالۋ ءۇشىن مىندەتتى تۇردە قىرىققا، ەلۋگە، الپىسقا تولۋدىڭ نەمەسە ءولۋدىڭ، مەملەكەتتىك ۇلكەندى-كىشىلى سىيلىقتار الىپ، سولكەباي تاعىنۋدىڭ قاجەتى جوق. ادەبيەت ەشكىمدى جاس پەن جىنىسقا بولمەيدى. وكىنىشكە قاراي، اقىن ادام ءوز ورتاسىنداعى قالىپتى ءتارتىپ پەن تىرشىلىككە تاعى دا جاۋاپسىز قاراي المايدى. تۋما تالانت ءۇشىن ول قۇرساۋدى بۇزۋدىڭ ءبىر عانا جولى قالماق. ول – ء«تاڭىرىنىڭ بەرگەن ونەرىنە» دەگەن، ءوز تالانتىڭا دەگەن ادالدىق پەن قىزمەت قانا. ازاماتتا وسىنىڭ ەكەۋى دە بار. ازاماتتىڭ ولەڭدەرى دەگەندە، تابيعاتىنا جانە تامىرىنا قاتىستى ەكى نارسەگە كوڭىلىم اۋدى. ءبىرىنشى. اقىننىڭ ولەڭ جازۋداعى ەركىندىگى، ءتىپتى ەركەلىگى دەسە دە بولادى. كۇشەنۋسىز، قينالىسسىز تۋعان جىر بالقىعان سارى التىنداي قۇيىلادى دا وتىرادى. بۇل - تالانتقا عانا ءتان سيپات. ءبىر قاراعاندا ونىڭ ولەڭدەرىنىڭ دەنى جاۋىندى كۇندە، بوراندى تۇندە جازىلعانداي كورىنگەنىمەن، كىسىنى تىكسىنتىپ، قۇلازىتپايدى. قايتا ءبىر قوڭىرقاي، كوزتانىس الەمگە تارتىپ، باۋراي تۇسەدى. مۇنىڭ ءمانىسى اقىننىڭ سەزىمى مەن سوزىندەگى ايناداي شىنايلىقتا، ەركىن دە تەنتەك، پوەتيكالىق كوڭىل-كۇيىندە، مىنەز-تابيعاتىندا جاتسا كەرەك. ەكىنشى. ازاماتتى وزگەلەردەن ەرەكشەلەيتىن تاعى ءبىر تۇس – ونىڭ ولەڭدەرىندەگى ەتنوميستيكالىق سارىن. بۇل سارىن باعزى، بايىرعى التايدىڭ، كوك تۇرىكتەردىڭ قاينار بۇلاعىنان باس الىپ جاتىر. بەرىسى تاڭىرلىك-يسلامدىق وركەنيەتتىڭ، قازاقى، ۇلتتىق اۋىز، جازبا ادەبيەتىنىڭ مۇحيتىنا جەتىپ جىعىلادى. مەن ازاماتقا ابىرويلى ادامدىق، شىعارماشىلىق عۇمىر تىلەيمىن.
Abai.kz
