بوستاندىق جارناماسى

 

ءبىزدىڭ ءداۋىر اۋىر مۇڭنان شايقالا،

مۇڭعا  باتىپ مەلشيەدى قارت قالا!

شىندىق جىرىن، ءبىزدىڭ زارلى قوعامنىڭ،

ۋاقىت ءوزى ايتىپ جاتىر اقتارا...     

 

 مولدىرەگەن كەۋدەمدەگى جاسىمنىڭ...

تولقىنىمەن تامىرىمدا تاسىدىڭ...

زارلى داۋىس شىندىق جىرىن شىرقاۋدا...

كەۋدەسىنەن ۇشىپ ءوتىپ عاسىردىڭ...

 

زۇلىمدىققا، جالعاندىققا جۇلقىندىم...

قۇلعا اينالعان ءبىر ۇلت جايلى بۇلقىندىم...

تاۋەلسىزدىك ءسوزى ءبىزدىڭ اياق قولدى كىسەندەپ...

البا-جۇلبا تۋعان ەلدىڭ جاماپ جاتىر جىرتىعىن!..

 

قىردان اسقان كوشكە قاراپ شۇبالعان...

سولار جايلى وكسيدى كەپ شىعارمام...

سولار جايلى ەڭىرەۋمەن ولەڭىم...

شىندىق جايىن ايتۋ ءۇشىن تۋ العان...

 

مۇددەلەردىڭ بىزدە قىزىپ كۇرەسى...

ءستاليننىڭ سانامىزدا  ەلەسى...

ورىسقۇلعا اينالىپتى كوپ قازاق...

سوندىقتان دا بىزدە ءجيى جەبىرەيىل كەڭەسى...

 

ۇشىرۋعا ساحنادان تاريحتىڭ...

تولقىنىمەن جوعالتۋعا نارىقتىڭ...

كىسەن سالعان 22 جىل تىلىنە...

ءبىزدىڭ بيلىك كولەڭكەسى جارىقتىڭ!

 

 قىزىل ۇران مەرەكەمەن بيلەتكەن...

جاعىمپازدىق بيلىك جاعىن كۇيلەتكەن...

بوستاندىق جارناماسى

 

ءبىزدىڭ ءداۋىر اۋىر مۇڭنان شايقالا،

مۇڭعا  باتىپ مەلشيەدى قارت قالا!

شىندىق جىرىن، ءبىزدىڭ زارلى قوعامنىڭ،

ۋاقىت ءوزى ايتىپ جاتىر اقتارا...     

 

 مولدىرەگەن كەۋدەمدەگى جاسىمنىڭ...

تولقىنىمەن تامىرىمدا تاسىدىڭ...

زارلى داۋىس شىندىق جىرىن شىرقاۋدا...

كەۋدەسىنەن ۇشىپ ءوتىپ عاسىردىڭ...

 

زۇلىمدىققا، جالعاندىققا جۇلقىندىم...

قۇلعا اينالعان ءبىر ۇلت جايلى بۇلقىندىم...

تاۋەلسىزدىك ءسوزى ءبىزدىڭ اياق قولدى كىسەندەپ...

البا-جۇلبا تۋعان ەلدىڭ جاماپ جاتىر جىرتىعىن!..

 

قىردان اسقان كوشكە قاراپ شۇبالعان...

سولار جايلى وكسيدى كەپ شىعارمام...

سولار جايلى ەڭىرەۋمەن ولەڭىم...

شىندىق جايىن ايتۋ ءۇشىن تۋ العان...

 

مۇددەلەردىڭ بىزدە قىزىپ كۇرەسى...

ءستاليننىڭ سانامىزدا  ەلەسى...

ورىسقۇلعا اينالىپتى كوپ قازاق...

سوندىقتان دا بىزدە ءجيى جەبىرەيىل كەڭەسى...

 

ۇشىرۋعا ساحنادان تاريحتىڭ...

تولقىنىمەن جوعالتۋعا نارىقتىڭ...

كىسەن سالعان 22 جىل تىلىنە...

ءبىزدىڭ بيلىك كولەڭكەسى جارىقتىڭ!

 

 قىزىل ۇران مەرەكەمەن بيلەتكەن...

جاعىمپازدىق بيلىك جاعىن كۇيلەتكەن...

سانامىزدا كولەڭكەسى تۇرمەنىڭ...

 بۇكىل اقىل قۇلدىق ءجايىن ۇيرەتكەن...

 

باس كوتەرمەي جاتىر سانا ۇيقىدان...

جۇرەك سورلى شىمىرلايدى بۇلقىنعان...

«تۇسىنبەدىم تاۋەلسىزدىك سوزىندە»...

قۇل جانىمىز اباقتىدان... شىڭعىرعان...

 

ەي، قۇل قوعام!

ۇمىتپايمىن ءوزىڭدى...

 سانا - تۇرمە،  مەن تۇتقىنمىن كوڭىلدى...

 قۇر سۇيەگىن سۇيرەتۋدە ءبىر حالىق...

كورىپ تۇرمىن ءتىرى ءجۇرىپ ولگەندى...

 

 

بوستاندىق جانە كوكتەم

 

ءنىلى بار تاڭدايدا كەپپەگەن...                                                                                      

ساۋلەلەر كوگىندە ءدان بولىپ كوكتەگەن.

كوكتەمنىڭ كەلۋى ءبىر ۇلكەن وقيعا...

قۇستاردىڭ قايتۋى

ارمان عوي جەتپەگەن...

 

ىزگىلىك وزەكتى جالعاعان،

جازۋ بوپ اسپانعا سامعاعان.

قۇلانيەكتەن بوستاندىق اكەلگەن،

قۇلاپ بارادى كۇن شارى...

تاڭقالام!

 

تۇتقىنداپ بارلىعىن ۋاقىت،

ادامزات ءسابي عوي جىلاسا جۇباتىپ...

كوكتەسە ءبىر تال ءدان، قۇلايدى ءبىر ەمەن،

ۋاقىت بارادى بۇلتتارىن شۇباتىپ.

 

اقيقات بايلانعان سەنىمگە،

ءبىر ساۋلە كەلمەيدى ەكى رەت سونۋگە.

ءومىردىڭ اقىرى تاس تۇنەك...

جارىقتى قۋالاپ قاراڭعى جەلۋدە.

 

ءبىر مۋزىكانت تۇتقىندا،

جۇرەگى ءدىر ەتەر جىلت ەتكەن ۇشقىنعا.

ءبىر جۇلدىز اقسا ەگەر قاپاستى قاق ءتىلىپ،

ءبىر ساۋلە ويانار كوزىمىنىڭ ۇشىندا.

 

ادامزات ەرجەتتى كەشەگى...

ولاردى وسىرگەن قۇدايدىڭ توسەگى.

جەر دەگەن الىپ ءبىر كلەتكا قوزعالىپ،

كوك تەڭىز تولقىعان عارىشتى كەشەدى...

 

ادام سەزىمىندەگى بەلگىسىز زاڭدى ۇققان،

اقيقاتتاعى پاراسات مايدانىن جاڭعىرتقان.

بوستاندىق يادروسى اقىن قيالىمەن جاڭعىرىپ،

ادام جۇرەگىندەگى زاردى ۇققان...

 

قاناتىن جايعان

اق ۇرپەك ەركىندىكتەرىم قايران...

اسقازاننىڭ شىڭىراۋىنان ۇشىپ ولەدى...

توپشىسى جارتاسقا سوعىلىپ قان-قان...

 

وكتەمدىك قالاي ورناسا،

سولاي كۇيرەيدى جىلدارمەن قولداسا.

كەۋدەلەر تۇرمەگە، جۇرەكتەر زىندانعا اينالار،

بوستاندىق ساۋلەسى ماڭدايعا قونباسا.

 

كوكتەمگە كەتكەندەي ءتىل شىعىپ...

جىر بولىپ كوكتەيدى تىرشىلىك.

قايران ادام-اي، سەندە جوق بوستاندىق...

ساعان عيبرات ­-  بۇرلەگەن ءبىر شىبىق!...

 

 

وتارلىقتىڭ سوڭعى جاسى

 

كوكتەمسىز گۇلدەدىم...

باياعى سول جىلدار نە دەگەن ىزگى ەدىڭ...

ءبىر ۇلتتىڭ تونالعان تاعدىرى...

ساعان ءبىر كوكتەمدى ىزدەدىم...

تەڭىز مۇڭ تولقىعان كومەيگە،

جانىمنان ۇزىلگەن ءداتىمدى جەرلەدىم...

 

اق تاڭنىڭ قارالى تاماعى...

زارلى ءبىر مۋزىكا توبەمدە اعادى...

تەڭىزدى تۇبىنەن قوتارىپ،

شاپشىعان تولقىندار جاعانى سوعادى...

داۋىلدان ويانعان تولقىندار...

باسىلعان جوق ءالى...

 

سۇيەمىن جارىق كۇن...

تەڭدىكتى سەنەن مەن جاڭا ۇقتىم...

بوستاندىق ىزدەپ كەپ قاپاسقا تۇسەتىن،

ۇقتىردى ءىش تارتىپ تامۇق كۇن...

ەركىندىك اڭساعان داۋىلعا، تەڭىزگە، ماعاندا...

شۋاق شاش الىپ كۇن...

 

ول نەنى تولعايدى؟

ىشىمدە ءبىر اۋەن بوتاداي بوزدايدى...

شاراداي الەمدى شاناققا قۇيىپ اپ،

ۋاقىت كۇڭىرەنىپ قوبىزىن قوزعايدى...

ەڭ ازعىن رەجيسسەرلار

تاريحي ازالى

درامما سومدايدى...

 

تاپتالىپ تابانعا،

شاڭىراق شاعىلىپ تەڭسەلدى پانامدا...

تۇيىرشىك قالماعان ساقتاردىڭ قانىندا...

قىمباتىن جوعالتقان وسى ءبىر زاماندا...

كەۋدەسىن وق تەسكەن ساربازدار

بۇلدىراپ بارادى سانامدا...

 

وكىنىش... تىلەكتەر...

توقتاۋدا ۇلكەن ءبىر جۇرەكتەر...

قولدارى بايلانعان، قور بولعان ارۋلار،

تىلدەرى بايلانعان ايدالدى جىگىتتەر...

جەرلەنىپ ساۋلەلى تىرىلەر...

تىك باسىپ بارادى ولىكتەر...

 

شوشىپ وياندىم تۇسىمنەن...

اناسىن ۇلى تۇر كور قازىپ تۇسىرگەن...

تابىتتى جاساۋدا التىن مەن تەمىردەن...

 كەبىندى تىگۋدە ۇلكەيگەن... كىشىرگەن...

ء بىر حالىق وسىلاي توزعىنداپ...

ۋ تولى كەسەلەر ىشىلگەن... 

 

اقىننىڭ اقىرعى  جىرى

 

(امەريكا لاگەرىنىڭ بىرىندەگى قازاق اقىنىنىڭ سوڭعى جىرى)

 

امەريكا قۇرلىعى وتان ەمەس ول ءۇشىن،

بىلگەنىمەن قانشاما ءورى مەنەن ەڭىسىن.

تالاي جىلدار ومىردەن باز كەشسىن، جەرىسىن،

و، تۋعان جەر قيىردان جۇرەگىنىڭ ەمىسىڭ!

 

مۇڭعا تولى وسى ءبىر قىركۇيەكتىڭ قۇشاعى،

تىرنالار مەن كەپتەرلەر كۇن شىعىسقا ۇشادى.

ەركىندىكتىڭ شىندىعى كوكجيەككە سىڭۋدە...

كوزىن سۇرتەر مۇڭلى اقىن بوستاندىعى تۇساۋلى.

 

تۇتقىن ءۇشىن نە جازدى كۇتەتۇعىن مىرزالىق،

كوتەرەتىن سورلىنى توبەسىنە ءبىر حالىق.

ەركىندىككە بۇلقىنىس...  سوڭعى عانا ساعاتتار،

سوڭعى كۇشىن جيۋدا قالدىرۋعا جىر جازىپ.

 

ءسوز ايتۋعا ءبىر اۋىز، يكەمى جوق ەرىننىڭ،

كۇبىرلەيدى ىشىنەن مۇڭىن ايتىپ ەلىنىڭ.

ولەڭىنىڭ سوڭىنا قويعاننان سوڭ ءبىر نۇكتە،

ءومىر بويى سەنەتىن جويدى جالعىز سەنىمىن.

 

ول سەزىندى بوستاندىق اۋەندەردەن ورىن اپ،

تەك تۇسىندە كورىپتى سۇيگەنىنىڭ قولىن اپ.

ءىز سوقتىرعان سوڭعى ۇمىت وتان  دەگەن – اقيقات!

شىندىق جالعىز ول ءۇشىن قيالىنان ورىن اپ.

 

تەربەتۋدە اقىندى قۇشاعىندا ۇلى ءتۇن،

السىرەگەن جانىمەن سوندىرۋدە ءۇمىتىن.

اقىل-ويمەن تىم بيىك تاپقىرلانعان سورىنا،

سانالاردى قاماعان اباقتىلار قۇرىسىن.

 

ءومىر ءسۇردى مينۋتتىڭ جانارىندا قاس-قاعىم.

كەشىپ ءجۇردى التايدىڭ بەلۋاردان اق قارىن.

ءولىم كۇيى تەربەدى، ۇمىتتەرىن جەر قىلىپ،

ءومىر دەگەن وسى ەكەن كوشىپ جۇرگەن اق ساعىم...

 

جازدى سوڭعى ولەڭىن، جۇرەكتىڭ سوڭعى قانىمەن،

ۇزىلۋگە شاق قالعان ءتاننىڭ سوڭعى جانىمەن.

كىسەن قيعان اياعى جەتە المادى ەلىنە،

جازدى سوڭعى ولەڭىن شىنجىرلاردىڭ سازىمەن...

 

باقىت جىرى ماڭدايعا قۇيىلعانداي  سىزىلىپ...

كاليما ايتتى ەڭىرەپ، اقيقاتقا جۇگىنىپ!

جارق  ەتكەندەي ءبىر ساۋلە جانارىنىڭ ىشىنە،

ءبىر اللاعا جالباردى بارا جاتىپ ءۇزىلىپ.

Abai.kz