ەكى جىل بۇرىن، 2022 جىلدىڭ 6 قىركۇيەگىندە ۋكراينا حاركوۆتى ازات ەتۋ وپەراتسياسىن باستاپ جىبەردى.

بۇل وپەراتسيا توسىننان جاسالعاندىقتان، رەسەي باسقىنشىلارىن بۇك ءتۇسىردى. ۋكراينا سول جولى بۇكىل وككۋپاتسيالانعان تەرريتوريانى اينالاسى ءبىر اپتانىڭ ىشىندە قايتاردى. ۋكرايانىڭ ەرجۇرەك ۇل-قىزدارى قانىن توگىپ، جانىن بەرىپ ءجۇرىپ ءوز جەرلەرىن قايتاردى!

بۇل وپەراتسيا رەسەي اسكەري باسشىلىعى ءۇشىن كۇتپەگەن شەشىم بولدى. سەبەبى، ماسكەۋدەگىلەر ۋكراينا نەگىزگى سوققىنى حەرسون وبلىسىنا سالادى دەپ وتىرعان.

سول جولى بالاكلەي قايتتى. كۋپيانسك پەن يزيۋم، كازاچي لوپان مەن ۆولچانسك سەكىلدى ءبىرسىپىرا اۋماق ۋكرايناعا قايتارىلدى!

ال سول حاركوۆتى ازات ەتۋ وپەراتسياسىن گەنەرال سىرسكي باسقارعان ەدى!

ءسوزسىز رەسەي باسقىنشى ارمياسىنىڭ وزدەرى جاۋلاپ العان اۋماقتان تىم-تىراقاي قاشۋى الەمدىك تاريحقا قويۋ قارا سيامەن جازىلىپ قالادى.

قازىر تۇگەل ۋكراينا ارمياسىنا تىزگىنشى بولىپ وتىرعان گەنەرال سىرسكي الەمدىك سوعىس تاريحىنا تاعى ءبىر وپەراتسيانى جازىپ جاتىر. ول - كۋرسكى وپەراتسياسى!

الەممەن الىمجەتتى تىلمەن سويلەسەتىن رەسەيدىڭ جەرىندە سوڭعى سەكسەن جىلدا بولماعان ءىستى جاساۋ: اسكەرمەن كىرىپ، جۇزگە جۋىق اۋىلدى، بىرنەشە اۋداندى تارتىپ الۋ، ونىمەن قويماي ور قازىپ، مىقتاپ بەكىنۋ - تاريحقا جازىلمايدى دەيمىسىز…جازىلىپ جاتىر!

الگىندە كەزەكتى رەت «رامشتاين» جيىنى ءوتتى. ۋكرايناعا اسكەري كومەك جايى تالقىلاندى. سوندا پرەزيدەنت زەلەنسكي: «اتتەڭ، كرەملگە سوققى جاساي المايتىنىمىزعا وكىنەمىن»، - دەدى. «مۇمكىندىك بولسا كرەملدىڭ بەت-بەدەلىنە قارايىن دەپ تۇرعان جوقپىز»، - دەدى ىممەن!

تۇزدىق: پرەزيدەنت زەلەنسكي ايتقان ەكى اۋىز ءسوز:

1) «ۋكراينا قارۋلى كۇشتەرىنىڭ كۋرسك وبلىسىنداعى وپەراتسياسى رەسەيدىڭ سۋمى وبلىسىنا باسىپ كىرۋ جوسپارىن بۇزدى»، - دەدى.

2) «ۋكراينا قارۋلى كۇشتەرىنىڭ كۋرسك ايماعىنداعى وپەراتسياسى كەزىندە رەسەي 6 مىڭ ساربازىنان ايىرىلدى»، - دەدى…

Abai.kz