مەملەكەتتىك بورىش قۇرىلىمىنداعى ۇكىمەتتىك بورىش 2029 جىلعا قاراي 48 462,9 ملرد تەڭگەگە دەيىن ۇلعايادى. قازىر بۇل كورسەتكىش 32 843,6 ملرد تەڭگە شاماسىندا. بۇل تۋرالى ۇكىمەتتىڭ 2025–2029 جىلدارعا ارنالعان الەۋمەتتىك-ەكونوميكالىق دامۋ بولجامىندا ايتىلدى، دەپ حابارلايدى Ulysmedia.kz.

سىرتتان قارىز قانداي جاعدايدا الىنادى

ۇكىمەت بولجامىندا ۆاليۋتالىق تاۋەكەلدەردى بولدىرماۋ ماقساتىندا قارىز بارىنشا ىشكى نارىقتان الىنادى ايتىلعان. سىرتقى قارىزعا ىشكى نارىقتا وتىمدىلىك جەتكىلىكسىز بولعان جاعدايدا جۇگىنۋ جوسپارلانعان.

بورىشتىڭ جوعارعى شەگى قانداي

«ەلدىڭ جانە كۆازيمەملەكەتتىك سەكتوردىڭ سىرتقى مەملەكەتتىك بورىشىنىڭ دەڭگەيىن باقىلاۋدى قامتاماسىز ەتۋ ماقساتىندا مەملەكەتتىك قارجىنى باسقارۋ تۇجىرىمداماسىندا مەملەكەتتىك جانە كۆازيمەملەكەتتىك بورىشتىڭ جوعارعى شەكتەرىن شەكتەۋ كوزدەلگەن، ولار جيىنتىعىندا ءجىو-ءنىڭ 53,2%-ىنان اسپاۋعا ءتيىس» دەلىنگەن ۇكىمەت بولجامىندا.

ۇكىمەت بورىش 2029 جىلعا قاراي جالپى ىشكى ءونىمنىڭ 20,7%-نان اسپايتىنىن ايتىپ، بولجامدى پارامەترلەر بەلگىلەنگەن شەكتەۋلەر دەڭگەيىندە بولادى دەپ مالىمدەپ وتىر.

Abai.kz