قازاقستان رۋسپۋبليكاسى مادەنيەت جانە اقپارات مينيسترلىگى ءدىن ىستەرى كوميتەتىنىڭ قولداۋىمەن ا.ج. 16 - 20 قىركۇيەك ارالىعىندا رەسپۋبليكالىق اقپاراتتىق-ءتۇسىندىرۋ توبى مۇشەلەرى جامبىل وبلىسىنا ءىس-ساپارعا باردى.

اتالعان ءىس-ساپاردىڭ ماقساتى جاستاردىڭ ەكسترەميزمگە قارسى ساناسىن قالىپتاستىرۋ، ءدىني ەكسترەميزم مەن تەرروريزمگە قارسى ءىس-قيمىل ماسەلەلەرىندە قۇقىقتىق جانە ازاماتتىق جاۋاپكەرشىلىك دەڭگەيىن ارتتىرۋ، قازاقستان جاستارىن راديكالدى جانە دەسترۋكتيۆتى ءدىني توپتارعا اينالدىرۋعا جول بەرمەۋ بولىپ تابىلادى.

وبلىستا جالپى سانى 20 ءىس-شارا ۇيىمداستىرىلىپ، 500-دەن استام ادام قامتىلدى.

اتالعان ءىس-شاراعا: بوتاقاراەۆ باۋىرجان قۋانىشبايۇلى – “نۇر-مۇباراك” ەگيپەت يسلام مادەنيەتى ۋنيۆەرسيتەتى وقىتۋشىسى، PhD دوكتور، سابىرۇلى ءابىلحايىر - جامبىل وبلىسى «ءدىن پروبلەمالارىن زەرتتەۋ ورتالىعى» ءبولىم باسشىسى، تەولوگ، بەسباەۆ ءمادي ابزەلبەكۇلى – ءو.جانىبەكوۆ اتىنداعى وڭتۇستىك قازاقستان پەداگوگيكالىق ۋنيۆەرسيتەتى «الەم تاريحى جانە ءدىنتانۋ» كافەدراسىنىڭ اعا وقىتۋشىسى،  حالىقوۆ مەدەت مۇزاپبارۇلى – تۇركىستان وبلىسىنىڭ ءدىن ىستەرى باسقارماسىنىڭ «ءدىن ماسەلەلەرىن زەرتتەۋ ورتالىعى»  كمم ديرەكتورى،  مۋتانوۆ سامعات ماراتۇلى - جامبىل وبلىسى «ءدىن ىستەرى باسقارماسىنىڭ» باس مامانى، تەولوگ، ءدىن ماسەلەلەرى بويىنشا رەسپۋبليكالىق اقپاراتتىق ءتۇسىندىرۋ توبىنىڭ مۇشەلەرى قاتىستى.

ءتۇسىندىرۋ توبىنىڭ مۇشەلەرى تاراز قالاسى، سونداي-اق جامبىل، مەركى، جۋالى  جانە شۋ اۋداندارىندا بولدى. ولار جاستار اراسىندا «ءدىني ءبىلىم بەرۋدىڭ زاماناۋي تەتىكتەرى»، «ءدىني ەكسترەميزم – بەيبىتشىلىك پەن تۇراقتىلىققا تونگەن قاۋىپ»، «ءدىن مەن ءداستۇر ساباقتاستىعى»، «ۇلتقا قۇرمەت-تاربيەدەن» جانە ت. ب. تاقىرىپتاردا ءتۇسىندىرۋ جۇمىستارىن جۇرگىزدى.

ءىس-ساپار بارىسىنداعى اقپاراتتىق-ءتۇسىندىرۋ جۇمىستارى اياسىندا جوعارى وقۋ ورنى ستۋدەنتتەرى، مەكتەپ وقۋشىلارى، مەدرەسە-كوللەدج ستۋدەنتتەرى جانە ت.ب. توپتار قامتىلدى.

Abai.kz