«بيىل 9 ايدا سۋيتسيد پەن زاڭسىز كونتەنتتى ناسيحاتتايتىن اقپاراتتى ورنالاستىرۋدىڭ 157 فاكتىسى انىقتالدى. ونىڭ ىشىندە 20 فاكتى الەۋمەتتىك جەلىلەردە جاريالانعان، سول سياقتى 50-دەن استام ينتەرنەت رەسۋرس بۇعاتتالدى»، — دەدى قانات ىسقاقوۆ ەلوردادا ءوتىپ جاتقان Astana Media Week ءىس-شاراسى بارىسىندا باق وكىلدەرىنىڭ ساۋالىنا جاۋاپ بەرە وتىرىپ.

سونداي-اق، ۆيتسە-مينيستر بۇگىندە ۆەدومستۆونىڭ Telegram, Meta, TikTok سەكىلدى ونلاين-پلاتفورمالاردىڭ وكىلدەرىمەن بىرلەسكەن بەلسەندى جۇمىستىڭ ءجۇرىپ جاتقانىن ايتتى.

«ايتا كەتۋ كەرەك، اتالعان پلاتفورمالار سۋيتسيد پەن زاڭسىز كونتەنتتەرمەن ءتيىمدى كۇرەسىپ جاتىر. بۇل ولاردىڭ جاۋاپكەرشىلىگى مەن ىشكى ءتارتىپتى قاتاڭ ساقتايتىنىن كورسەتەدى. ويتكەنى، زاڭسىز كونتەنتتەر ولاردىڭ ىشكى ساياساتىنا قايشى. ەندىگى ماقسات تەرىس مازمۇندى كونتەنتتەردى بۇعاتتاۋ عانا ەمەس، ونىڭ الدىن الىپ، اقپاراتتى سۇزگىدەن وتكىزۋ. وسى ورايدا مودەراتسيا قىزمەتى كۇشەيتىلەدى»، — دەدى ق. ىسقاقوۆ.