بەكتەنوۆ: كومىر ساتىپ الۋدا قيىندىق بولماۋى كەرەك!
ۇكىمەت وتىرىسى بارىسىندا وڭىرلەرگە كوممۋنالدىق جانە تۇرمىستىق كومىر جەتكىزۋ ماسەلەسىنە ەرەكشە نازار اۋدارىلدى.
«كومىردى ۆاگوندارمەن تاسىمالداۋعا باسىمدىق بەرۋ قاجەت. تۇرعىندار كومىردى تۇراقتى باعامەن ساتىپ الۋى ءۇشىن ەشقانداي قيىندىقتار بولماۋى كەرەك»، - دەپ اتاپ ءوتتى ولجاس بەكتەنوۆ.
ءوڭىر اكىمدەرى مەن ونەركاسىپ جانە كولىك مينيسترلىكتەرىنىڭ الدىنا ءتيىستى مىندەت قويىلدى.
سونىمەن قاتار ۇكىمەت باسشىسى ەنەرگەتيكا مينيسترلىگىنە ۇلتتىق ەكونوميكا مينيسترلىگىمەن بىرلەسىپ، جىلۋ جانە ەلەكتر ەنەرگەتيكاسى بويىنشا «ءتاريفتى ينۆەستيتسيالارعا ايىرباستاۋ» باعدارلاماسى شەڭبەرىندە ينۆەستيتسيالىق مىندەتتەمەلەردىڭ ورىندالۋىنا مونيتورينگ جۇرگىزۋدى تاپسىردى. بۇدان ءارى مۇددەلى مەملەكەتتىك ورگاندارمەن بىرلەسىپ – جىلۋ جانە ەنەرگيا كاسىپورىندارىندا تابيعي مونوپوليالار سۋبەكتىلەرىنىڭ وسى مىندەتتەمەلەردىڭ ورىندالۋىن باقىلاۋ شارالارىن وزەكتەندىرۋ قاجەت.
Abai.kz
