بەرىك ابدىعاليۇلى ۇلىتاۋ وبلىسىنىڭ اكىمى لاۋازىمىنان بوساتىلدى، جاڭا اكىم كىم؟

مەملەكەت باسشىسىنىڭ جارلىعىمەن بەرىك ابدىعاليۇلى ۇلىتاۋ وبلىسىنىڭ اكىمى لاۋازىمىنان بوساتىلدى. بۇل تۋرالى اقوردانىڭ ءباسپاسوز قىزمەتى حابارلادى.

«مەملەكەت باسشىسىنىڭ جارلىعىمەن بەرىك ابدىعاليۇلى ۇلىتاۋ وبلىسىنىڭ اكىمى لاۋازىمىنان بوساتىلدى»، - دەپ جازىلعان حابارلامادا.

ايتا كەتەيىك، بەرىك ابدىعاليۇلى ۇلىتاۋ وبلىسىنىڭ اكىمى بولىپ 2022 جىلدىڭ 11 ماۋسىمىندا تاعايىندالعان ەدى.

مەملەكەت باسشىسى قاسىم-جومارت توقاەۆ ۇلىتاۋ وبلىسىنىڭ جاڭا اكىمىن تاعايىندادى. بۇل قىزمەتكە داستان رىسپەكوۆ لايىقتى دەپ تانىلدى.

ءتيىستى قۇجاتتى اقوردانىڭ ءباسپاسوز قىزمەتى 2024 جىلعى 9 قازاندا جاريالادى.

«مەملەكەت باسشىسىنىڭ جارلىعىمەن داستان ادايۇلى رىسپەكوۆ ۇلىتاۋ وبلىسىنىڭ اكىمى لاۋازىمىنا تاعايىندالدى»، - دەپ جازىلعان رەسمي قۇجاتتا.

رىسپەكوۆ داستان 1984 جىلى قاراعاندى وبلىسىندا دۇنيەگە كەلگەن.
ءال-فارابي اتىنداعى قازاق ۇلتتىق ۋنيۆەرسيتەتىن جانە قازمزۋ الماتى زاڭ اكادەمياسىن تامامداعان.

ەڭبەك جولىن 2006 جىلى الماتى قالاسىنداعى ەكونوميكا جانە بيۋدجەتتى جوسپارلاۋ دەپارتامەنتى تۇسىمدەردى بولجاۋ ءبولىمىنىڭ باس مامانى رەتىندە باستاعان.

Abai.kz