بۇگىن تالعارداعى قاندى وقيعا بويىنشا قر ءىىم ءبىرىنشى ورىنباسارى باۋىرجان الەنوۆ، الماتى وبلىسىنىڭ پروكۋرورى بەرىك اداموۆ، قر ءىىم تەرگەۋ دەپارتامەنتى باسشىسىنىڭ ورىنباسارى سامات ايسوۆ قوناەۆ قالاسىندا بريفينگ وتكىزدى.

«ءبىز قىلمىسكەردىڭ دە، مارقۇم شەرزات بولاتتىڭ اكەسىنىڭ دە جاعىندا ەمەسپىز. ءبىزدىڭ مىندەتىمىز حالىققا قر ءىىم مەن پروكۋراتۋرا جاعدايدى ءجىتى باقىلاۋدا ۇستاپ وتىرعانىن جانە ەشكىمنىڭ جازادان قۇتىلمايتىنىن جەتكىزۋ»، - دەيدى سپيكەرلەر.

ءبىرىنشى: پروكۋرور: «ماماندار ءورتتىڭ ءۇيدىڭ سىرتىنان باستالعانىن، وقىس جاعداي بولماعانىن جانە سىرتقى وت كوزى قولدانىلعانىن العاشقى قورىتىندى رەتىندە شىعاردى.

ەكىنشى: اتالعان قاندى وقيعا بويىنشا كۇدىكتىلەر سانى 7-دەن 10 ادامعا دەيىن جەتكەن. بارلىعى 600-دەن استام ادامدان جاۋاپ الىنعان.

ءۇشىنشى: قىلمىستىق ءىس «كىسى ءولتىرۋ» جانە «تارتىپسىزدىك» بابتارى بويىنشا قوزعالعان.

ءتورتىنشى: پروكۋراتۋرا سوت پروتسەسىنىڭ اشىق جانە ونلاين ءوتۋىن تالاپ ەتەتدى.

بەسىنشى: «حۋتارسكوە» ۇقت قر ءىىم تىركەۋىندە جوق. حاسان قاسىمباي ءدال وسى ءىس بويىنشا ەشقانداي ستاتۋسقا يە ەمەس.

Abai.kz