قازاقستاندىق مەكتەپتەردە ەرەكشە ءبىلىم بەرۋ قاجەتتىلىكتەرى بار بالالار ءۇشىن كەدەرگىسىز ورتا قالىپتاستىرىلۋدا. بۇگىنگى تاڭدا مەكتەپتەردىڭ 88%-دا ينكليۋزيۆتى ءبىلىم الۋعا جاعداي جاسالعان.

بيىل العاش رەت پسيحولوگيالىق-پەداگوگيكالىق قولداۋدىڭ ءۇش دەڭگەيلى مودەلى ەنگىزىلدى. سونداي-اق ەرەكشە قاجەتتىلىكتەرى بار بالالارمەن جۇمىس ىستەۋ ءۇشىن قولداۋ كورسەتۋ كابينەتتەرى مەن جەكە باعدارلامالار ءۇشىن جاڭا تالاپتار ازىرلەندى.

«قازىرگى ۋاقىتتا ءبىلىم بەرۋ مەكەمەلەرىندە 60 مىڭ بالا قاجەتتى پسيحولوگيالىق-پەداگوگيكالىق قولداۋمەن قامتىلعان. بۇل ءاربىر بالانىڭ ساپالى بىلىمگە تەڭ قول جەتكىزۋى ءۇشىن جاسالعان ماڭىزدى قادام»، — دەپ اتاپ كورسەتتى قر وقۋ-اعارتۋ مينيسترلىگى ينكليۋزيۆتى جانە ارنايى ءبىلىم بەرۋ دەپارتامەنتىنىڭ ديرەكتورى لاۋرا بۋتاباەۆا.

ينكليۋزيۆتى ءبىلىم بەرۋدى جۇزەگە اسىراتىن مەكتەپتەردىڭ باستى مىندەتى — ءار بالاعا جەكە قولداۋ كورسەتە وتىرىپ، بىرەگەي قابىلەتتەرىن دامىتۋعا جانە الەۋمەتتىك سىن-تەگەۋرىندەرگە توزىمدىلىك تانىتۋعا كومەكتەسۋ بولىپ تابىلادى.

Abai.kz