مەملەكەت باسشىسى قاسىم-جومارت توقاەۆ رەسپۋبليكا كۇنى قارساڭىندا ەلگە ەڭبەگى سىڭگەن ازاماتتارعا مەملەكەتتىك ناگرادالار تاپسىرۋ تۋرالى جارلىققا قول قويدى. سونىمەن كىمدەر مەملەكەتتىك ماراپاتقا يە بولدى؟ قاراڭىز:

«قازاقستاننىڭ ەڭبەك ەرى» اتاعىن كىمدەر الدى؟

«مەملەكەت باسشىسى قاسىم-جومارت توقاەۆ «قازاقستان رەسپۋبليكاسىنىڭ مەملەكەتتىك ناگرادالارىمەن ناگرادتاۋ تۋرالى» جارلىققا قول قويدى»، - دەپ جازدى اقوردا. ول بويىنشا:

1. وتاندىق عىلىمدى دامىتۋداعى ايرىقشا جەتىستىكتەرى، سونداي-اق قوعامدىق قىزمەتتەگى اسا ۇزدىك ەڭبەگى ءۇشىن جوعارى دارەجەلى ەرەكشەلىك بەلگىسى – «قازاقستاننىڭ ەڭبەك ەرى» اتاعى بەرىلىپ، ايرىقشا ەرەكشەلىك بەلگىسى – التىن جۇلدىز بەن «وتان» وردەنى «قازاقستان رەسپۋبليكاسى پرەزيدەنتىنىڭ جانىنداعى «قازاقستان رەسپۋبليكاسىنىڭ ۇلتتىق عىلىم اكادەمياسى» كەاق ۆيتسە-پرەزيدەنتى جۇمادىلداەۆ اسقار سەرقۇلۇلىنا تاپسىرىلدى;

2. قازاقستان رەسپۋبليكاسىنىڭ الەۋمەتتىك-گۋمانيتارلىق دامۋىنداعى اسا ۇزدىك جەتىستىكتەرى ءۇشىن جوعارى دارەجەلى ەرەكشەلىك بەلگىسى – «قازاقستاننىڭ ەڭبەك ەرى» اتاعى بەرىلىپ، ايرىقشا ەرەكشەلىك بەلگىسى – التىن جۇلدىز بەن «وتان» وردەنى الماتى قالاسى، «№4 ارنايى مەكتەپ-ينتەرنات» كمم مۇعالىمى نۇرپەيىسوۆا گۇلجانار مولداكەرىمقىزىنا جانە ورال قالاسى، «اسان تايمانوۆ اتىنداعى №34 مەكتەپ-گيمنازيا» كمم مۇعالىمى ترايسوۆا ەلمارا اسقارقىزىنا تاپسىرىلدى;

3. وندىرىستىك قىزمەتتەگى ەرەكشە ەڭبەگى ءۇشىن جوعارى دارەجەلى ەرەكشەلىك بەلگىسى – «قازاقستاننىڭ ەڭبەك ەرى» اتاعى بەرىلىپ، ايرىقشا ەرەكشەلىك بەلگىسى – التىن جۇلدىز قاراعاندى وبلىسى، «شاحتەرسكوە» جشس ديرەكتورى پروكوپ گەورگي گەورگيەۆيچكە تاپسىرىلدى.

«ۇلتتىق مەرەكە – رەسپۋبليكا كۇنى قارساڭىندا پرەزيدەنت قاسىم-جومارت توقاەۆتىڭ جارلىعىمەن ەلىمىزدىڭ الەۋمەتتىك-ەكونوميكالىق جانە مادەني دامۋىنا، حالىقتار اراسىنداعى دوستىق پەن ىنتىماقتى نىعايتۋعا قوسقان ەلەۋلى ۇلەسى مەن بەلسەندى قوعامدىق قىزمەتى ءۇشىن ءبىر توپ ازامات مەملەكەتتىك ناگرادالارمەن ماراپاتتالدى. ولاردىڭ قاتارىندا ءبىلىم بەرۋ، دەنساۋلىق ساقتاۋ، مادەنيەت جانە عىلىم قايراتكەرلەرى، ءوندىرىس، بيزنەس سالالارىنىڭ كورنەكتى وكىلدەرى، دەپۋتاتتار، مەملەكەتتىك جانە قۇقىق قورعاۋ ورگاندارىنىڭ قىزمەتكەرلەرى، اسكەري قىزمەتشىلەر، سپورتشىلار جانە ەڭبەك ارداگەرلەرى بار»، - دەپ حابارلادى اقوردانىڭ ءباسپاسوز قىزمەتى.

بيىلعى مەملەكەتتىك ماراپاتتار كىمدەرگە بۇيىردى؟

 «وتان» وردەنىمەن كارديوحيرۋرگيا جانە ترانسپلانتولوگيا عىلىمي-كلينيكالىق ورتالىعىنىڭ ديرەكتورى س.جوشىباەۆ پەن كورنەكتى اقىن، مەملەكەتتىك سىيلىقتىڭ لاۋرەاتى ن.ورازالين ماراپاتتالدى.

ءى دارەجەلى «بارىس» وردەنى پارلامەنت ءماجىلىسى توراعاسىنىڭ ورىنباسارى ا.راۋعا, ر.باعلانوۆا اتىنداعى «قازاقكونتسەرت» مەملەكەتتىك اكادەميالىق كونتسەرتتىك ۇيىمىنىڭ ءارتىسى ن.ونەربايعا, ەڭبەك ارداگەرلەرى ق.جاقىپوۆقا، ءو.وزعانباەۆقا، ۆ.رەدكوكاشينگە جانە س.شاكىراتقا, الماتى قالاسى «Persona» حالىقارالىق كلينيكالىق رەپرودۋكتولوگيا ورتالىعىنىڭ باسشىسى ۆ.لوكشينگە بەرىلدى.

ءىى دارەجەلى «بارىس» وردەنى قازاقستاننىڭ گەرمانيا فەدەراتيۆتىك رەسپۋبليكاسىنداعى توتەنشە جانە وكىلەتتى ەلشىسى ن.ونجانوۆقا جانە ەڭبەك ارداگەرى ج.شارىپوۆكە بەرىلدى.

ءىىى دارەجەلى «بارىس» وردەنى پرەمەر-ءمينيستردىڭ ورىنباسارى ت.دۇيسەنوۆاعا, شاحماتتان الەم چەمپيونى ب.اساۋباەۆاعا, قىزىلوردا وبلىسىنىڭ اكىمى ن.نالىباەۆقا, تاراز قالالىق قوعامدىق كەڭەسىنىڭ توراعاسى س.سەيدازىموۆكە تابىستالدى.

سونىمەن قاتار ءبىر توپ بەلگىلى عالىم، مادەنيەت، ءبىلىم سالاسىنىڭ قايراتكەرلەرى جانە ءوندىرىس وكىلدەرى، مەملەكەتتىك قىزمەتكەرلەر «پاراسات» وردەنىءنىڭ يەگەرى اتاندى:

ولاردىڭ قاتارىندا الماتى قالاسى «اكۋشەرلىك، گينەكولوگيا جانە پەريناتولوگيا عىلىمي ورتالىعى» اكتسيونەرلىك قوعامى ديرەكتورلار كەڭەسىنىڭ توراعاسى ز.امانجولوۆا, قىزىلوردا وبلىسى شيەلى اۋدانىنداعى «ارعىماق» جاۋاپكەرشىلىگى شەكتەۋلى سەرىكتەستىگىنىڭ ديرەكتورى و.ءبايدىلدا, «قازاقستان اۆتورلار قوعامى» رەسپۋبليكالىق قوعامدىق بىرلەستىگىنىڭ باس ديرەكتورى ب.ەسەناليەۆ, قازاق ۇلتتىق ونەر ۋنيۆەرسيتەتىنىڭ پروفەسسورى ح.قاليلامبەكوۆا, س.سەيفۋللين اتىنداعى قاراعاندى وبلىستىق قازاق دراما تەاترىنىڭ اكتەرى ك.كەمالوۆ, م.اۋەزوۆ اتىنداعى ادەبيەت جانە ونەر ينستيتۋتىنىڭ باس ديرەكتورى ك.ماتىجانوۆ, تۇركىستان وبلىسىنىڭ اكىمى د.ساتىبالدى, «ماعجان» ادەبي-كوركەم جۋرنالىنىڭ باس رەداكتورى ج.سۇلەيمەنوۆ, شىمكەنت قالاسىنىڭ اكىمى ع.سىزدىقبەكوۆ, م.اۋەزوۆ اتىنداعى قازاق ۇلتتىق دراما تەاترىنىڭ اكتريساسى د.تەمىرسۇلتانوۆا بار.

ۇلتارالىق بەيبىتشىلىكتىڭ دامۋىنا سىڭىرگەن ەلەۋلى ەڭبەگى ءۇشىن «ەل بىرلىگى» وردەنىمەن قازاقستان حالقى اسسامبلەياسىنىڭ مۇشەسى س.گەروەۆ, كۇردتەردىڭ «باربانگ» قاۋىمداستىعىنىڭ توراعاسى ا.اليەۆ, «ميتسۆا» قاۋىمداستىعىنىڭ توراعاسى ا.بارون جانە «دينار-ەلەكتروماش» جاۋاپكەرشىلىگى شەكتەۋلى سەرىكتەستىگىنىڭ تەڭ قۇرىلتايشىسى س.ۆيشنياك ماراپاتتالدى.

ەلىمىزدىڭ دامىپ، وركەندەۋىنە ەلەۋلى ەڭبەگى سىڭگەن ءبىر توپ ازامات، سونىڭ ىشىندە الماتى قالاسىنداعى «بالداۋرەن» بالالاردى وڭالتۋ ورتالىعى» كمك ديرەكتورى ش.ابەسوۆ, «استانا» حالىقارالىق قارجى ورتالىعىنىڭ باسقارۋشىسى ر.بەكتۇروۆ, استانا قالالىق جاس كورەرمەندەر تەاترىنىڭ اكتريساسى س.ەسلياموۆا, سكريپكاشى ج.سەركەباەۆا, قوسشى قالاسىنداعى مەكتەپ-گيمنازيانىڭ ديرەكتورى د.اسقاروۆا «قۇرمەت» وردەنىمەن ماراپاتتالدى.

بۇدان بولەك، ونەركاسىپ، ترانسپورت، قۇرىلىس، اۋىل شارۋاشىلىعى جانە باسقا دا ءوندىرىس سالالارىنىڭ جۇمىسشىلارى مەن ەڭبەككەرلەرى ءىى جانە ءىىى دارەجەلى «ەڭبەك داڭقى» وردەنىن يەلەندى. «قازاقستاننىڭ ەڭبەك سىڭىرگەن قايراتكەرى» قۇرمەتتى اتاعى عىلىم جانە مادەنيەتتىڭ كورنەكتى وكىلدەرىنە تابىستالدى.

«قازاقستاننىڭ حالىق جازۋشىسى» اتاعى كىمدەرگە بەرىلدى؟

قازاق ادەبيەتىنىڭ كورنەكتى وكىلدەرى، اقىن-جازۋشىلار ت.مەدەتبەك، ۆ.ميحايلوۆ جانە ي.ساپارباي «قازاقستاننىڭ حالىق جازۋشىسى» اتاعىنا يە بولدى.

«قازاقستاننىڭ حالىق ءارتىسى» قۇرمەتتى اتاعى كىمدەرگە بەرىلدى؟

«قازاقستاننىڭ حالىق ءارتىسى» قۇرمەتتى اتاعى ەلىمىزدىڭ كورنەكتى مادەنيەت قايراتكەرلەرى: تەاتر جانە كينو اكتەرلەرى ك.جۇمابەكوۆكە, ل.كادەنگە, و.كورجەۆاعا، ي.لەبساكقا، ر.ماحپيروۆاعا، گ.شىنتەمىرگە جانە ءا.ىدىرىشەۆقا, وپەرا انشىلەرى م.مۇحامەدقىزى مەن ج.باسپاقوۆاعا, ديريجەر ا.مۇحيتدينوۆ پەن كۇيشى س.تۇرىسبەككە, سونداي-اق بەلگىلى ءانشى م.ىلياسوۆاعا بەرىلدى.

سونىمەن قاتار بيىلدان باستاپ قۇرمەتتى اتاقتار قاتارىنا «قازاقستاننىڭ ەڭبەك سىڭىرگەن دارىگەرى» اتاعى قوسىلدى:  «ۇلتتىق عىلىمي مەديتسينالىق ورتالىعى» اكتسيونەرلىك قوعامىنىڭ باس ديرەكتورى ا.بايگەنجين, «ۇلتتىق عىلىمي ونكولوگيا ورتالىعى» جاۋاپكەرشىلىگى شەكتەۋلى سەرىكتەستىگى گەماتولوگيا ورتالىعىنىڭ باسشىسى ۆ.كەمايكين جانە قاراعاندى وبلىستىق كلينيكالىق اۋرۋحاناسىنىڭ دارىگەرى ب.تسحاي جاڭا قۇرمەتتى اتاقتىڭ العاشقى يەگەرلەرى اتاندى.

اسكەري ماراپاتتار كىمدەرگە بەرىلدى؟

اسكەري جانە قىزمەتتىك بورىشىن ۇلگىلى اتقارعانى، زاڭدىلىق پەن قۇقىقتىق ءتارتىپتى قامتاماسىز ەتۋدە، ەلدىڭ ۇلتتىق قاۋىپسىزدىگى مەن قورعانىس قابىلەتىن نىعايتۋ كەزىندە كورسەتكەن ەرلىگى ءۇشىن اسكەري قىزمەتشىلەر مەن قۇقىق قورعاۋ ورگاندارى وكىلدەرىنىڭ ءبىر توبى ءى جانە ءىى دارەجەلى «داڭق» وردەنىمەن، ءىى جانە ءىىى دارەجەلى «ايبىن» وردەنىمەن، «ەرلىگى ءۇشىن» جانە «جاۋىنگەرلىك ەرلىگى ءۇشىن» مەدالدارىمەن ماراپاتتالدى. اتاپ ايتقاندا، سۋعا باتىپ بارا جاتقان ادامدى قۇتقارعانى ءۇشىن ر.قوشقارباەۆ اتىنداعى ءىىى دارەجەلى «ايبىن» وردەنىمەن ۇلتتىق ۇلاننىڭ «شىعىس» وڭىرلىك قولباسشىلىعىنىڭ اعا جاۋىنگەرى ج.پەرمابەك, «ەرلىگى ءۇشىن» مەدالىمەن پاۆلودار وبلىسى پوليتسياسىنىڭ ۋچاسكەلىك اعا ينسپەكتورى ە.قويكەن, اقتوبە قالاسىنىڭ پوليتسيا ينسپەكتورى ف.نۇرمانوۆ, تالدىقورعان قالاسىنىڭ پوليتسيا ينسپەكتورى س.سەرىكقاليۇلى, ءجاسوسپىرىمدى ورتتەن قۇتقارعانى ءۇشىن اتىراۋ قالاسى پوليتسياسىنىڭ ۋچاسكەلىك ينسپەكتورى د.قورعانباەۆ ناگرادتالدى.

جالپى بيىلعى مەملەكەتتىك ناگرادالاردى تاعايىنداۋدا قاراپايىم جۇمىسشىلاردىڭ مارتەبەسىن اسىرۋعا، ەڭبەك اۋلەتتەرىنىڭ قوعامداعى ابىروي-بەدەلىن ارتتىرۋعا ايرىقشا ءمان بەرىلدى. ماراپات يەلەرىنىڭ قاتارىندا 450-دەن استام جۇمىسشى، 137 پەداگوگ، 80-نەن اسا عالىم، 100-گە جۋىق قۇتقارۋشى مەن ەرىكتى بار.  ەڭبەك ديناستيالارىن ماراپاتتاۋ ءداستۇرى بيىل دا جالعاسىن تاپتى. بۇل جولى مۇعالىمدەر، وندىرىسشىلەر، تەمىرجولشىلار اۋلەتتەرى قۇرمەتكە بولەندى.

Abai.kz