باۋىرجان بايبەك ليۋكسەمبۋرگتاعى ىقپالدى ازاماتتاردى ارا اعايىن رەتىندە پايدالانىپ، قازاقستانعا قاۋىپسىز ورالۋ ماسەلەسىن تالقىلاۋدى ويلاستىرا باستادى. بۇل تۋرالى DALA INSIDE جازادى.

باق «جاڭا قازاقستان» تاراپىنان بايبەككە گارانتيا بەرەتىن تۇلعانىڭ ءالى انىقتالماي وتىرعانىن تىلگە تيەك ەتەدى.

ءبىر كەزدەرى الماتى قالاسىنىڭ اكىمى، «Nur Otan» پارتياسى باسشىلارىنىڭ ءبىرى بولعان باۋىرجان بايبەك سوڭعى جىلدارى كيپردە تۇراقتاعان. بىراق ەۋروپاعا ءجيى ساپارلاپ ءجۇر.

بايبەكتىڭ كيپرگە كەتكەنى تۋرالى اقپارات قوعامدا ەكى ءتۇرلى قابىلداندى. بىرەۋلەر ونى ساياسي سەبەپتەرمەن كەتۋگە ءماجبۇر بولدى دەسە، باسقالارى بايبەك ءتۇرلى قارجىلىق ماحيناتسيالار بويىنشا ايىپتاۋلاردان قاشتى دەپ سانايدى.

«باۋىرجان بايبەك شەتەلدە كريپتاۆاليۋتامەن اينالىسىپ كوردى. شىن ايتقاندا بۇل تىرلىگى ءبىرشاما تابىستى بولىپ شىقتى. قازىر ول كانىگى كريپتوينۆەستور»، - دەيدى، DALA INSIDE دەرەككوزى.

بايبەكتىڭ بولاشاقتا ورالۋىنا اسەر ەتكەن نەگىزگى سەبەپتەر رەتىندە سوڭعى ساياسي وزگەرىستەردى ايتۋعا بولادى. جاڭا بيلىك قۇرىلىمى، اكتيۆتەردى قايتارعاندارعا جىلى كوزقاراس ونىڭ ەلگە قايتا ورالىپ، قوعامدىق نەمەسە ساياسي ومىرگە قايتا ارالاسۋىنا جاعداي جاساي الاتىن سەكىلدى.

بايبەكتىڭ ەلگە ورالۋى قوعامدى ەكىگە جارا الادى. بىرەۋلەر ونى بۇرىنعى ىستەرى ءۇشىن جاۋاپ بەرۋى كەرەك دەپ ساناسا، ەندى بىرەۋلەر ونىڭ جاڭا كوزقاراسپەن، تاجىريبەمەن ورالىپ، ەلگە پايدا تيگىزە الاتىنىن العا تارتۋى مۇمكىن. بايبەكتىڭ ورالۋى قازاقستانداعى ساياسي ساحنادا جاڭا بەتبۇرىس اكەلمەك.

ازىرشە بۇل تەك ينسايدەرلىك اقپارات رەتىندە قاراستىرىلىپ وتىر. انىعىن ليۋكسەمبۋرگتاعى اۆتوريتەت شەشەدى. بايبەكتىڭ ورالۋىنا قالاي قارايسىزدار؟ ازىرگى ەسكى كوماندا شەتەلدە ۇندەمەي وتىر.

Abai.kz