تۇركىستان وبلىسىنىڭ كەنتاۋ قالاسىندا «حيزب-ۋت-تاحرير» ءدىني-ەكسترەميستىك ۇيىمىنىڭ قۇپيا ۇياسى جويىلدى. بۇل تۋرالى قر ىشكى ىستەر مينيسترلىگى حابارلادى.

حابارلامادان بەلگىلى بولعانداي، جەدەل ىزدەستىرۋ شارالارىن ۇلتتىق قاۋىپسىزدىك كوميتەتىنىڭ كومەگىمەن ىشكى ىستەر مينيسترلىگىنىڭ ەكسترەميزمگە قارسى كۇرەس ءبولىمى جۇرگىزگەن.

"بۇل ۇيىمنىڭ يدەولوگياسى ەلدە زايىرلى كونستيتۋتسيالىق قۇرىلىمدى قۇلاتىپ، "شاريعات" نورمالارىن ەنگىزۋگە باعىتتالعان. جەدەل-ىزدەستىرۋ ءىس-شارالارى بارىسىندا توپ مۇشەلەرىنىڭ تەرروريزم يدەيالارىن ناسيحاتتاۋ، سونداي-اق ءدىني كوزقاراستى قورلاۋ فاكتىلەرى انىقتالدى. توپ مۇشەلەرى "حيزب-ۋت-تاحرير" شەتەلدىك راديكالدى ۋاعىزشىلارىنىڭ دارىستەرىن الۋ جانە تاراتۋ ءۇشىن ينتەرنەت-رەسۋرستاردى پايدالانعان", - دەدى قازاقستان رەسپۋبليكاسى ىشكى ىستەر مينيسترلىگىنىڭ ءباسپاسوز قىزمەتى.

توپ جەتەكشىسى بۇعان دەيىن تىيىم سالىنعان ءدىني-ەكسترەميستىك ۇيىمنىڭ قىزمەتىنە قاتىسقانى ءۇشىن سوتتى بولعان.

Abai.kz