جوعارى وقۋ ورنىنداعى ساپالى ءبىلىم -بولاشاق مامانداردىڭ كاسىبي داعدىلارى مەن قابىلەتتەرىن دامىتۋدىڭ نەگىزگى كەپىلى. ول ستۋدەنتتەردىڭ ءوز ماماندىعىندا باسەكەگە قابىلەتتى، وزدىگىنەن ويلاي الاتىن، يننوۆاتسيالىق شەشىمدەردى تابا الاتىن مامان رەتىندە قالىپتاسۋىنا مۇمكىندىك بەرەدى.

ساپالى ءبىلىم بەرۋ - جوعارى وقۋ ورىندارىنىڭ باستى ماقساتى جانە ولاردىڭ تيىمدىلىگىنىڭ كورسەتكىشى. پرەزيدەنت ەڭ الدىمەن ساپالى ءبىلىمدى قولجەتىمدى ەتۋدى قولعا الۋ قاجەتتىگىن اتاپ كەتتى. شىنىندا دا، قوعام دامۋىنىڭ باستى فاكتورى ساپالى ءبىلىمدى مەڭگەرگەن بىلىكتى ماماندار ەكەنى ءسوزسىز. بۇل باعىتتا ەلىمىزدە بىلىمگە قۇشتار، بولاشاعىمىزدىڭ نەگىزىن قۇرايتىن دارىندى جاستارعا بارىنشا قولداۋ كورسەتىپ، الەۋەتىن پايدالانۋ كوزدەرىن قاراستىرۋ كەرەك. بۇۇ-نىڭ باستاۋىمەن العاش رەت «تۇراقتى دامۋ» كونتسەپتسياسى ۇسىنىلدى. «تۇراقتى دامۋ ماقساتتارى» – قازىرگى ۋاقىتتىڭ قاجەتتىلىگىن قامتاماسىز ەتە وتىرىپ، بولاشاق ۇرپاقتاردىڭ ءوزىنىڭ قاجەتتىلىكتەرىن قامتاماسىز ەتۋىنە قاۋىپ تۋعىزبايتىن دامۋ.تۇراقتى دامۋ ماقساتتارى  كونتسەپتسياسىنىڭ 4 ءبولىمى -ساپالى  ءبىلىم.

ءال-فارابي اتىنداعى قازۇۋ ءار ستۋدەنتتىڭ بولاشاق ماماندىعىنا سايكەس ءبىلىم مەن داعدىلاردى قالىپتاستىرۋعا باعىتتايدى. وقۋ باعدارلامالارى ەڭبەك نارىعىنىڭ سۇرانىسىنا ساي ازىرلەنىپ، ءار سالاداعى سوڭعى جاڭالىقتاردى قامتيدى. قارا شاڭىراقتا ستۋدەنتتەردىڭ تەوريالىق بىلىمدەرىن تاجىريبە ارقىلى جەتىلدىرۋ وتە ماڭىزدى. مىسالى، وندىرىستىك تاجىريبەلەر، ستاجيروۆكالار جانە جوبالىق جۇمىستار ارقىلى ولار العان بىلىمدەرىن ناقتى جاعدايدا قولدانۋعا ۇيرەتەدى.ءبىلىم بەرۋ پروتسەسىندە زاماناۋي تەحنولوگيالاردى قولدانۋ ستۋدەنتتەردىڭ وقۋعا دەگەن قىزىعۋشىلىعىن ارتتىرادى. ماسەلەن، ينتەراكتيۆتى قۇرالدار، ونلاين پلاتفورمالار جانە ۆيرتۋالدى زەرتحانالار وقۋ ءۇردىسىن ءتيىمدى جانە قولجەتىمدى ەتەدى.ساپالى ءبىلىم بەرۋ وقىتۋشىنىڭ بىلىكتىلىگىنە تىكەلەي بايلانىستى. وقىتۋشىلاردىڭ كاسىبي دامۋ باعدارلامالارىنا قاتىسۋى، شەتەلدىك تاجىريبەدەن ءوتۋى جانە پەداگوگيكالىق ادىستەردى جەتىلدىرۋى ءبىلىم ساپاسىنىڭ نەگىزى. قازاق ۇلتتىق ۋنيۆەرسيتەتىنىڭ ساپالى ءبىلىم بەرۋىنە  زاڭ فاكۋلتەتى  قىلمىستىق قۇقىق،قىلمىستىق ءىس جۇرگىزۋ جانە كريميناليستيكا كافەدراسى دا وزىندىك ۇلەسىن قوستى. فاكۋلتەت تەك قازاقستانداعى عانا ەمەس، شەتەلدىك ۋنيۆەرسيتەتتەرمەن دە تىعىز بايلانىستا جۇمىس ىستەيدى. ەلىمىزدە ساپالى جوعارى بىلىمگە قول جەتكىزۋ ماڭىزدى ستراتەگيالىق ماقساتتاردىڭ ءبىرى بولىپ تابىلادى. ءبىلىم بەرۋ جۇيەسىنىڭ دامۋى ارقىلى مەملەكەت ءوز ازاماتتارىن زاماناۋي ماماندىقتارعا بەيىمدەپ، ەكونوميكانىڭ تۇراقتى دامۋىنا ىقپال ەتەدى. قازۇۋ-دا ساپالى ءبىلىم بەرۋ  بولاشاق مامانداردىڭ كاسىبي تۇرعىدان ءوسۋى مەن ەل ەكونوميكاسىنىڭ دامۋىنا ىقپال ەتەدى.ءاربىر جوعارى وقۋ ورنىنىڭ باستى مىندەتى- ستۋدەنتتەرگە ءوز ماماندىعى بويىنشا تەرەڭ ءبىلىم بەرۋ عانا ەمەس، ولاردى زەرتتەۋ جۇمىستارىنا تارتۋ، سىني ويلاۋدى دامىتۋ جانە الەمدىك ستاندارتتارعا ساي بىلىكتىلىككە يە مامان رەتىندە قالىپتاستىرۋ.

دوسۋمبەكوۆا مەيرمانكۋل تىلەشقىزى،

əل-فارابي اتىنداعى قازاق ۇلتتىق ۋنيۆەرسيتەتى، زاڭ فاكۋلتەتىنىڭ قىلمىستىق قۇقىق جانە ءىس جۇرگىزۋ، كريميناليستيكا كافەدراسىنىڭ وقىتۋشىسى.

بولىسبەك نۇرتاس، كۇمىسبەك ادىلەت،

ءال-فارابي اتىنداعى قازۇۋ زاڭ فاكۋلتەتىنىڭ 3 كۋرس ستۋدەنتتەرى.

Abai.kz