قازاقستاندا بيىل قاڭتار ايىنان باستاپ 34 جوبا بويىنشا 79 ملرد تەڭگەدەن استام سوماعا بيۋدجەت قاراجاتىنىڭ شىعىندارى قىسقارتىلدى.

قارجىلىق مونيتورينگ اگەنتتىگىنىڭ مالىمەتىنشە، قاراعاندى وبلىسىندا «قاراعاندى سۋ» جشس نەگىزگى سۋ تازارتۋ قۇرىلىستارىنىڭ بلوكتارىن قايتا جاڭارتۋ» جوباسىنىڭ جسق ازىرلەۋ ساتىسىندا قۇبىرلاردىڭ 5 ءتۇرىنىڭ قۇنى ارتىق جوبالانعانى انىقتالدى.

«بىرلەسكەن جۇمىس قورىتىندىسى بويىنشا جوبانىڭ مالىمدەلگەن سمەتالىق قۇنى 23 ملرد تەڭگەدەن 16,8 ملرد تەڭگەگە دەيىن تومەندەتىلدى، ناتيجەسىندە 6,1 ملرد تەڭگە ۇنەمدەلدى.

سول سەكىلدى، «جايلى مەكتەپ» ۇلتتىق جوباسىن تالداۋ بارىسىندا ءوندىرۋشى نەمەسە ولاردىڭ ديستريبيۋتورلارى بولىپ سانالمايتىن جەتكىزۋشىلەردىڭ ۇسىنىستارى نەگىزىندە ينتەراكتيۆتى سەنسورلىق پانەلدىڭ قۇنىن ارتتىرۋ فاكتىسى انىقتالدى.

اگەنتتىك «قازقسعزي» اق-مەن ءوزارا ءىس-قيمىل ناتيجەسىندە پانەلدەردىڭ باعاسى نارىقتىق دەڭگەيگە دەيىن تومەندەتىلدى، بۇل 14 ملرد تەڭگە مولشەرىندە ارتىق شىعىنتاردىڭ الدىن الۋعا مۇمكىندىك بەردى»، - دەلىنگەن قما اگەنتتىگى تاراتقان حابارلامادا.

Abai.kz