كەيبىر Telegram-كانالدار وليگارح تيمۋر قۇلىباەۆتىڭ (نۇرسۇلتان نازارباەۆتىڭ كۇيەۋ بالاسى) بيلىكپەن كەلىسىمگە كەلىپ، 1 ملرد دوللارعا جۋىق قاراجاتتى قازاقستانعا قايتارۋعا دايىن ەكەندىگى تۋرالى جازىپ جاتىر.

بۇل اقپاراتتىڭ راستىعىنا كەپىلدىك جوق، بىراق ونى تاراتقان Telegram-كانالداردىڭ ينسايدەرلىك اقپاراتقا قول جەتكىزە الاتىندىعى بەلگىلى دەپ پايىمدايدى Fragment. «نۇرسۇلتانسكي سولوۆەي» كانالىنا كەلگەن ءانونيمدى اقپاراتقا سايكەس، قۇلىباەۆ بيلىكپەن سوتقا دەيىنگى كەلىسىمگە كەلگەن.

وسى كەلىسىم بويىنشا، ول ەكونوميكالىق رەسۋرستاردىڭ زاڭسىز شوعىرلانۋىنا قارسى ءىس-قيمىل جونىندەگى ۆەدومستۆوارالىق كوميسسيا ارقىلى 1 ميللياردقا جۋىق قاراجاتتى قازاقستانعا قايتارادى. بۇل كەلىسىمنىڭ ورنىنا قۇلىباەۆ «مەملەكەتكە زاڭسىز جولمەن الىنعان اكتيۆتەردى قايتارۋ تۋرالى» زاڭ بويىنشا قۋدالاۋدان قۇتىلادى دەگەن بولجام بار.

ەسكە سالا كەتەيىك، بۇعان دەيىن قۇلىباەۆ بيلىكتىڭ اكتيۆتەردى قايتارۋ ناۋقانىنان تىس قالىپ كەلگەن. قايرات بورانباەۆ پەن قايرات ساتىبالدى مەملەكەتكە ميللياردتاعان دوللارلىق اكتيۆتەرىن قايتارعان كەزدە، قۇلىباەۆتان تەك 20 ملرد تەڭگەگە جۋىق قاراجات ءوندىرىلىپ الىندى. ونىڭ ۇستىنە، بۇل قاراجات سوت شەشىمىمەن ءوندىرىلدى جانە قۇلىباەۆتىڭ ادۆوكاتتارى بۇل شەشىمدەرگە شاعىمدانىپ كەلەدى.

قۇلىباەۆتىڭ ەرىكتى تۇردە قايتارعان قاراجاتىنىڭ كولەمى بەلگىسىز. تەك 2024 جىلدىڭ ساۋىرىندە اتىراۋ وبلىسىنداعى سۋ تاسقىنىنان كەيىن 30 ملرد تەڭگە كولەمىندە قايىرىمدىلىق جاساعانى بەلگىلى.

ۆەدومستۆوارالىق كوميسسيانىڭ مالىمەتى بويىنشا، 2024 جىلدىڭ قىركۇيەك ايىنداعى جاعداي بويىنشا مەملەكەتكە 1,5 ترلن تەڭگەدەن استام نەمەسە 3 ملرد دوللاردان استام قاراجات قايتارىلدى. بۇل قاراجاتتىڭ باسىم بولىگى قايرات بورانباەۆ پەن قايرات ساتىبالدىدان، سونداي-اق ءاليا نازارباەۆا سياقتى باسقا دا تۋىستارىنان ءوندىرىلدى. دەگەنمەن، كوميسسيانىڭ جۇمىسىنا قاتىستى قوعامنىڭ پىكىرى الا-قۇلا. سەبەبى «ەسكى قازاقستاننىڭ» كوپتەگەن وكىلدەرى، سونىڭ ىشىندە دينارا مەن تيمۋر كۋليباەۆتار ءالى كۇنگە دەيىن قۋدالاۋدان تىس قالىپ وتىر. قۇلىباەۆتىڭ بۇكىل بايلىعى نۇرسۇلتان نازارباەۆتىڭ ارقاسىندا جيناقتالعان جانە مەملەكەتتىك مەنشىكتى زاڭسىز مەنشىكتەندىرۋ ارقىلى قالىپتاسقان. ول مۇناي-گاز سالاسىندا مونوپوليالىق ۇستانىمعا يە بولىپ، بيزنەسىنە مەملەكەتتىك قولداۋدى پايدالاندى. قۇلىباەۆ تا، ونىڭ ايەلى دينارا قۇلىباەۆا دا كۇماندى اكتيۆتەردەن باس تارتۋ نەمەسە قازاقستان ەكونوميكاسىنا كەلتىرىلگەن زياندى وتەۋ تۋرالى ەشقانداي مالىمدەمە جاسامادى. قۇلىباەۆتىڭ 1 ملرد دوللار قايتارۋ تۋرالى كەلىسىمگە كەلۋى كوميسسيانىڭ جۇمىسىنا قاتىستى قوعامداعى نارازىلىقتىڭ ناتيجەسى بولۋى مۇمكىن.

بۇعان دەيىن DALA INSIDE تەلەگرام ارناسى قۇلىباەۆقا قازاقستاننان شىعۋعا ۋاقىتشا تىيىم سالىنعانى تۋرالى اقپارات تاراتقان. بۇل دا ونىڭ بيلىكپەن كەلىسسوزدەر جۇرگىزۋىنە سەبەپ بولعان بولۋى مۇمكىن. ايتا كەتەيىك، دينارا قۇلىباەۆا شۆەيتساريادا تۇراقتى تۇرادى جانە ءبىر جىلدان استام ۋاقىت بويى قازاقستانعا كەلگەن جوق. قۇلىباەۆتىڭ بالالارى دا شەتەلدە تۇرادى.

Abai.kz