ىستىقكول كولىن ساقتاۋ ماقساتىندا قىرعىزستان كورشى ەلدەرگە، سونىڭ ىشىندە قازاقستانعا بەرىلەتىن سۋدىڭ كولەمىن ازايتاتىنىن مالىمدەدى، دەپ حابارلايدى  Abai.kz Ulysmedia.kz-كە سىلتەمە جاساپ.

الداعى ۋاقىتتا قىرعىزستاندا الەم عالىمدارىنىڭ قاتىسۋىمەن ىستىقكولدى قورعاۋ ماسەلەلەرى تالقىلاناتىن كونفەرەنتسيا وتەدى. ساراپشىلار كولدى قورعاۋعا باعىتتالعان ارنايى باعدارلامانى دايىنداۋدا. جاپاروۆ ىستىقكولدى ارال تەڭىزىنىڭ قايعىلى تاعدىرىن قايتالاۋدان ساقتاۋ كەرەكتىگىن اتاپ ءوتتى.

سۋ بەرۋ ماسەلەسى

بۇعان دەيىن قازاقستاننىڭ سۋ رەسۋرستارى ءمينيسترى نۇرجان نۇرجىگىتوۆ ورتالىق ازيا ەلدەرىندەگى ارىپتەستەرىمەن كەزدەسىپ، 2025 جىلدىڭ 1 ساۋىرىنە دەيىن شاردارا سۋ قويماسىنا 11 ميلليارد تەكشە مەتر سۋدىڭ جەتكىزىلۋىن كەلىسكەن بولاتىن. سونىمەن قاتار، يسلام دامۋ بانكى قازاقستاننىڭ سۋ شارۋاشىلىعىن دامىتۋ جوبالارىنا 1,15 ميلليارد دوللار ينۆەستيتسيا سالاتىنىن مالىمدەگەن.

ارال تۋرالى

2024 جىلدىڭ ماۋسىمىندا ارال تەڭىزىندەگى سۋ كولەمىنىڭ ارتقانى تۋرالى حابارلانعان ەدى. الايدا ارال تەڭىزىنىڭ جوعالۋى الەمدەگى ەڭ ءىرى انتروپوگەندىك اپاتتاردىڭ ءبىرى رەتىندە قاراستىرىلادى. 1960 جىلدارعا دەيىن الەمدەگى ءتورتىنشى ءىرى سۋ قويماسى بولعان ارال تەڭىزىنىڭ سۋ بەتى 50 جىلدان استام ۋاقىت ىشىندە ءۇش ەسە ازايىپ، سۋدىڭ دەڭگەيى 29 مەترگە تومەندەدى. بۇل سۋ تۇزدىلىعىنىڭ ارتۋىنا جانە بالىقتاردىڭ تولىعىمەن جويىلۋىنا الىپ كەلدى.

Abai.kz