سانكتسيا سالدارىنان تاسىمالداۋشىلار ۇشاق قوزعالتقىشتارىن جوندەۋدە قيىندىققا ۇشىراعان. بۇل جونىندە "كوممەرسانت" سايتى جازدى.

رەسەيدەگى اۋە كومپانيالارى 34 Airbus ۇشاعىنان باس تارتقان، ال ەلدە ولاردىڭ جالپى سانى – 66. لاينەرلەردىڭ ءبىر بولىگى رەسۋرستى ۇنەمدەۋ ماقساتىندا سۇرانىس كوبەيەتىن ماۋسىمعا دەيىن رەزەرۆكە شىعارىلعان، ال 15-20 بورت ۇشا المايدى دەپ جازدى سايت.

سانكتسيا استىندا قالعان ماسكەۋ بۇعان دەيىن وزىنە "دوس" سانايتىن مەملەكەتتەردەن رەسەي ىشىندە جولاۋشىلارعا ارنالعان اۋە رەيستەرىن ۇيىمداستىرۋعا كومەكتەسۋدى سۇراعان. بۇل تۋرالى رەسەيدىڭ كولىك ءمينيسترى رومان ستاروۆويت مالىمدەدى. ول بۇل ماسەلەگە بايلانىستى قازاقستانمەن كەلىسسوز ءجۇرىپ جاتىر دەپ ايتقان.

Abai.kz