بۇگىن الماتىدا قارجىلىق مونيتورينگ اگەنتتىگى قوعامدىق كەڭەسىنىڭ كەزەكتى وتىرىسى ءوتتى.

قما وكىلدەرى مەن كەڭەس مۇشەلەرىنىڭ بۇل كەزدەسۋى جۇرتشىلىقپەن جانە وڭىرلەرمەن ءوزارا ءىس-قيمىلعا، سونداي-اق وسى سالاداعى قارجىلىق قاۋىپسىزدىك پەن قۇقىقتىق ءتارتىپتى ساقتاۋعا قاتىستى وزەكتى ماسەلەلەردى تالقىلاۋعا ماڭىزدى قادام بولدى.

وتىرىس بارىسىندا اگەنتتىك قىزمەتكەرلەرى الەۋمەتتىك ماڭىزى بار تاۋارلار نارىعىندا دەلدالداردى جويۋ بويىنشا جۇرگىزىلىپ جاتقان جۇمىستار تۋرالى باياندادى.

كەڭەس مۇشەلەرىنە ەلەكتروندىق شوت-فاكتۋرالاردىڭ دەرەكتەرى نەگىزىندە ءامات-قا رۇقسات ەتىلگەن ساۋدا ۇستەمەسىنىڭ اسىپ كەتۋ فاكتىلەرىن اۆتوماتتى تۇردە انىقتاۋعا مۇمكىندىك بەرەتىن تالدامالىق جۇيەنىڭ مۇمكىندىكتەرى تانىستىرىلدى.

اعىمداعى جىلى اگەنتتىك اكىمدىكتەر جانىنداعى وڭىرلىك كوميسسيالاردىڭ اتىنا 650-دەن استام ماتەريال جىبەردى، ولار بويىنشا 350 ادام اكىمشىلىك جاۋاپكەرشىلىككە تارتىلدى.

وسى جۇيەدە مونيتورينگپەن الەۋمەتتىك مەملەكەتتىك مەكەمەلەر قامتىلعان. ونىڭ 600-دەن استامى 350 ملن-نان استام بيۋدجەت قاراجاتىن ۇنەمدەي وتىرىپ، مەملەكەتتىك ساتىپ الۋ تۋرالى شارتتاردى قايتا قارادى.

قارجى پيراميدالارىنا قارسى ءىس-قيمىل جونىندەگى ارنايى جوبانى ىسكە اسىرۋ ناتيجەلەرى دە تانىستىرىلدى.

قما اناليتيكالىق جۇيەنىڭ كومەگىمەن قارجىلىق جانە الاياقتىق جوبالاردىڭ جارناماسى بار-جوعىن تەكسەرەتىن ينتەرنەت-كەڭىستىكتىڭ مونيتورينگىن جۇرگىزەدى.

ناتيجەسىندە ۇيىمداستىرۋشىلار انىقتالىپ، ولاردىڭ قىزمەتىنە جول بەرمەۋ شارالارى قابىلدانادى.

وسىنداي الگوريتم ارقىلى اعىمداعى جىلدىڭ باسىنان باستاپ 28 قارجى پيراميداسى جويىلدى، 12 مىڭعا جۋىق سايت، 25 جالعان قارجى جوباسى بويىنشا 300-گە جۋىق چات جانە الەۋمەتتىك جەلىلەردەگى اككاۋنتتار بۇعاتتالدى، "Baiqa piramida" Telegram-بوتىمەن ازاماتتاردان تۇسكەن 9 مىڭنان استام سۇرانىس قارالدى.

كەڭەس سونداي-اق اگەنتتىكتىڭ الماتى قالاسى، الماتى وبلىسى جانە جەتىسۋ وبلىسى بويىنشا اۋماقتىق دەپارتامەنتتەرىنىڭ وڭىرلەردەگى كولەڭكەلى ەكونوميكاعا قارسى ءىس-قيمىل ماسەلەلەرى جونىندەگى باسشىلارىن تىڭدادى.

اگەنتتىك توراعاسى جانات ەليمانوۆ قارجىلىق مونيتورينگ قىزمەتىن ودان ءارى جەتىلدىرۋ ماقساتىندا جۇرتشىلىقپەن سىندارلى ديالوگتىڭ ماڭىزدىلىعىن اتاپ ءوتتى.

بۇل شارالار قوعامدىق كەڭەس مۇشەلەرى ايتقان ەكونوميكالىق قاۋىپسىزدىك سالاسىنداعى زاڭنامالىق بازانى جەتىلدىرۋدى قامتاماسىز ەتىپ قانا قويماي، قولدانىستاعى زاڭ تالاپتارىن ساقتاۋدىڭ ماڭىزدىلىعىن ودان ءارى قابىلداۋعا ءتيىمدى اسەر ەتەدى.

ءوز كەزەگىندە كەڭەس مۇشەلەرى ءامات باعالارىن مونيتورينگىلەۋ تەتىگىن جەتىلدىرۋگە جانە قارجى پيراميدالارىنىڭ قىزمەتىنە قارسى ءىس-قيمىل جونىندەگى كۇش-جىگەردى بىرىكتىرۋگە باعىتتالعان بىرقاتار ۇسىنىستار بەردى.

Abai.kz