شورت-ترەك: يتاليانىڭ بورميو قالاسىندا ءوتىپ جاتقان شورت-ترەكتەن Alta Valtellina Trophy حالىقارالىق جارىسىندا قازاقستان قۇراماسى 2 التىن، 1 كۇمىس مەدال جەڭىپ الدى. تۋرنير بۇگىن مارەسىنە جەتەدى.

مانەرلەپ سىرعاناۋ: قىتايدىڭ چۋنتسين قالاسىندا اياقتالعان مانەرلەپ سىرعاناۋدان گران-پري تۋرنيرىندە ميحايل شايدوروۆ كۇمىس جۇلدەگەر اتاندى. ول قوس جاتتىعۋدان كەيىن 276.17 ۇپاي جينادى. شايدوروۆ بىلتىر وسى جارىستىڭ قولا جۇلدەگەرى اتانعان ەدى.

سەمسەرلەسۋ: كانادانىڭ ۆانكۋۆەر قالاسىنداوتكەن سەمسەرلەسۋدەن الەم كۋبوگىندە قازاقستانەرلەر قۇراماسى قولا مەدال جەڭىپ الدى.

پارا دزيۋدو: استانادا وتكەن پارا دزيۋدودان حالىقارالىق Grand Prix تۋرنيرىندە قازاقستان قۇراماسىنىڭ سپورتشىلارى 14 مەدال (6 التىن، 4 كۇمىس، 4 قولا) ولجالاپ، جالپىكوماندالىق ەسەپتە ءبىرىنشى ورىنعا يە بولدى.

تەننيس: قازاقستاندىق تەننيسشى جىبەك قۇلامباەۆا پورتۋگاليانىڭ لوزادا قالاسىندا وتكەن ITF W35 ءتۋرنيرىنىڭ جۇپتىق سىنىندا چەمپيون اتاندى. جەرلەسىمىز بەلارۋس وكىلى يۋليا حاتۋكامەن بىرگە جۇپ قۇراپ، فينالدا رەسەيلىك پولينا ياتسەنكو مەن بەلگيالىق حاننە ۆاندەۆينكەلدەن 6:3, 1:6, 10:4 ەسەبىمەن باسىم ءتۇستى.

ەستەتيكالىق گيمناستيكا: ەستونيانىڭ تارتۋ قالاسىنداعى ەستەتيكالىق توپتىق گيمناستيكادان الەم چەمپيوناتىندا سپورتشىلارىمىز 2 قولا مەدال جەڭىپ الدى.

Abai.kz