رەسەيدە "جەڭىمپازسىز سوعىسقا" قارسى كوڭىل-كۇي ۋرا-پاتريوتتار اراسىنان دا بوي كورسەتە باستاۋى پۋتلەر بيلىگىنە سىزات تۇسە باستاعانىنىڭ كورىنىسى.

رەسەي مەملەكەتتىك دۋماسىنىڭ بۇرىنعى دەپۋتاتى ۆيكتور الكسنيس الەۋمەتتىك جەلىلەردە رەسەي بيلىگىن سىنعا العان پوست جاريالادى.

"مەن پارانويك ەمەسپىن، بىراق مەنىڭ بويىمدا ءبىزدى "ارسىز كەلىسىمشارتقا" جاقىنداتىپ بارا جاتقانداي سەزىم پايدا بولۋدا... ال شىن مانىندە ماسقارا كاپيتۋلياتسيا جانە رەسەيدىڭ بىرنەشە عاسىر ىشىندەگى ەڭ ءىرى اسكەري جەڭىلىسكە ۇشىراۋى ەلىمىز ءۇشىن بۇرىن-سوڭدى بولماعان اۋىر دا، اپاتتى جاعدايعا ۇرىندىرادى. كەرەك دەسەڭىز،بۇنىڭ اقىر اياعى ەلىمىزدىڭ بولىنۋىنە، ىدىراۋىنا جانە الەمدىك ارەنادان جوعالۋىنا دەيىن سوقتىرادى", - دەپ نارازىلىعىن بىلدىرەدى الكسنيس.

ەكس-دەپۋتات ەل باسشىلىعىنىڭ ء"ااو-نىڭ (سۆو) بارلىق ماقساتتارىنا قول جەتكىزىلەتىنىن، ياعني ۋكرايناداعى ۇرىس قيمىلدارى جەڭىسكە جەتكەنشە جالعاساتىنىن ۇنەمى مالىمدەپ وتىرعانىن" جازادى.

سوڭعى كۇندەرى جاڭا "ورەشنيك" زىمىرانىن تابىستى قولدانۋمەن بايلانىستى وتانسۇيگىشتىك كوڭىل-كۇي دە ءوستى. ەكىنشى جاعىنان، سانالى ادامدار ءااو جەڭىلىسكە ۇشىراعانىن جانە ۋكراينانى اسكەري جەڭىلىسكە ۇشىراتا المايتىنىن جاقسى تۇسىنەدى. جالعىز جول - جاۋىنگەرلىك ءىس-قيمىلداردى توقتاتۋ جانە كەلىسسوزدەر ۇدەرىسىن باستاۋ". بۇعان رەسەيدى، سونىڭ ىشىندە وعان "دوس" دەپ سانالاتىن قىتاي، يران جانە برازيليا دا كوندىرە الادى. الكسنيس كرەمل رەسەي ارمياسى باسىپ الا الماعان ۋكراينا اۋماعىن وزىمدىكى دەپ جاريالاعانىن "ستراتەگيالىق قاتە" دەپ اتادى. وسىمەن رەسەي ءوز مويىنا ءوزى دار تۇزاعىن ءىلدى.

بۇرىنعى دەپۋتات سوعىس توقتاعان سوڭ كرەملگە ء"ااو" تۋرالى كوپتەگەن ساۋالدار تۋىندايتىنىن ەسكەرتتى. بۇل ەلىمىزدى الا تايداي بۇلدىرەتىن بۇلىك تۋدىرىپ، بيلىكتىڭ اۋىسۋى قاۋپىن توندىرەدى: "بۇل رەتتە ەشكىم دە ءبىر جاعىمسىز سيپاتتى ەش ەسكە المايدى - عاسىرلار بويى سوعىستاعى جەڭىلىس" كىمنىڭ كىناسى؟ " كەيىننەن تۋىنداۋى ىقتيمال ىشكى ساياسي سالاداعى سىلكىنىستەر، بيلىكتىڭ اۋىسۋى جانە باسقا دا جاعىمسىز جايتتارعا كىم جاۋاپ بەرمەكشى؟".

رەسەي پاتريوتتارى جاپپاي "ۋرالاعانىنان" ساپ تىيىلىپ، ەندى كەلەر كۇنىمىز نە بولادىنى ايتىپ ويبايلاۋعا كوشە باستادى.

Abai.kz