قازاقستانعا رەسەي پرەزيدەنتى ۆلاديمير پۋتين مەملەكەتتىك ساپارمەن كەلە جاتىر. وسىعان بايلانىستى قازاقستان مەن رەسەيدىڭ تاۋەلسىزدىك جىلدارى جاسالعان مادەني بايلانىستارىنا كوز جۇگىرتكەندى ءجون سانادىق...

قازاقستان مەن رەسەيدىڭ قارىم-قاتىناسى ساياسي مادەنيەتتىڭ جوعارى دەڭگەيىمەن ەرەكشەلەنەدى. قازىرگى كەزەڭدە ستراتەگيالىق ارىپتەستىكتىڭ نەگىزى ءححى عاسىرداعى تاتۋ كورشىلىك پەن وداقتاستىق تۋرالى شارت بولىپ تابىلادى.

تاراپتار تۇراقتى كەزدەسۋلەر وتكىزەدى. قازاقستان مەن رەسەي بۇۇ، ەقىۇ، تمد، ۇقشۇ، شىۇ جانە باسقا دا حالىقارالىق ۇيىمدار شەڭبەرىندە كوپجاقتى فورماتتا بەلسەندى ءوزارا ءىس-قيمىل جاسايدى.

تاۋەلسىزدىك العاننان كەيىن قازاقستان مەن رەسەي اسكەري ىنتىماقتاستىق تۋرالى شارتقا سايكەس "تاراپتاردىڭ ءبىرىنىڭ قاۋىپسىزدىگىنە، تاۋەلسىزدىگىنە نەمەسە اۋماقتىق تۇتاستىعىنا قاتەر توندىرەتىن جاعداي تۋىنداعان جاعدايدا، قازاقستان رەسپۋبليكاسى مەن رەسەي فەدەراتسياسى حالىقارالىق ىنتىماقتاستىققا سايكەس ءبىر-بىرىنە قاجەتتى كومەك، ونىڭ ىشىندە اسكەري كومەك كورسەتۋ جونىندە كىدىرىسسىز كونسۋلتاتسيالار جۇرگىزەدى جانە ناقتى ءىس-قيمىلدار جاسايدى" دەپ مويىندادى 1992 جىلعى 25 مامىرداعى دوستىق، ىنتىماقتاستىق جانە ءوزارا كومەك تۋرالى ەكىجاقتى شارتپەن جانە 1992 جىلعى 15 مامىرداعى ۇجىمدىق قاۋىپسىزدىك تۋرالى شارت بەكىتىلدى.

ودان بەرى ەكى ەل اراسىندا مادەني ءارى ەكونوميكڭالىق ايلانىس ارتا ءتۇستى.

بيىل بىرىككەن مادەنيەتتەردىڭ X فورۋمى اياسىندا قر مادەنيەت جانە اقپارات ءمينيسترى ايدا بالاەۆا مەن رەسەي فەدەراتسياسى مادەنيەت ءمينيسترى ولگا ليۋبيموۆا كەزدەستى.

كەزدەسۋدىڭ نەگىزگى تاقىرىپتارىنىڭ ءبىرى – ۇلى جەڭىستىڭ 80 جىلدىعىن مەرەكەلەۋگە دايىندىققا قاتىستى كەلىسىمدەردى تالقىلاۋ بولدى. بۇل تۋرالى مەملەكەت باسشىسى ءۇشىنشى ۇلتتىق قۇرىلتايدا اتاپ وتكەن بولاتىن. پرەزيدەنت دايىندىقتى باستاۋعا تاپسىرما بەرىپ، ەل قورعاعان ەرلەردىڭ ەسىمىن جاڭعىرتۋ جانە تاريحي ادىلدىكتى قالپىنا كەلتىرۋ باعىتىنداعى جۇيەلى جۇمىستىڭ ماڭىزدىلىعىن اتاپ ءوتتى. مينيسترلەر وسى باعىتتاعى جۇمىستاردىڭ باعدارىن ايقىندادى.

سونىمەن قاتار تاراپتار ەكى ەلدىڭ تەاتر مەكەمەلەرى اراسىنداعى ىنتىماقتاستىقتى دامىتۋ، بەينەلەۋ ونەرى جانە انيماتسيا سالاسىنداعى بايلانىستاردى ارتتىرۋ ماسەلەلەرىن تالقىلاپ، قازاقستان مەن رەسەي كورەرمەندەرىنىڭ ۇلتتىق كينوعا دەگەن قىزىعۋشىلىعى ارتىپ كەلە جاتقانىن اتاپ ءوتتى.

"قازاقستان مەن رەسەي اراسىنداعى مادەني ىنتىماقتاستىق بەلسەندى دامىپ كەلەدى. بىرلەسكەن تابىستى جوبالار، گاسترولدەر مەن حالىقارالىق فەستيۆالدەرگە قاتىسۋ ءبىزدىڭ ورتاق جەتىستىگىمىزدى دالەلدەيدى. ءبىز تەاتر، مۋزەي جانە مۋزىكا سالاسىنداعى ىنتىماقتاستىقتى دامىتۋ ءۇشىن جۇيەلى جوسپار قۇرا وتىرىپ، ءوزارا بايلانىستى نىعايتا بەرەمىز", - دەدى ايدا بالاەۆا.

كەزدەسۋگە سونداي-اق رەسەي فەدەراتسياسى پرەزيدەنتىنىڭ حالىقارالىق مادەني ىنتىماقتاستىق جونىندەگى ارنايى وكىلى ميحايل شۆىدكوي دا قاتىستى.

Abai.kz