ۆاليۋتا نارىعىنداعى قۇبىلمالىق بارلىق ۋاقىتتا بولدى جانە بولا دا بەرەدى. بۇل تۋرالى ۇكىمەتتە ءوتىپ جاتقان بريفينگتە پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى نۇرلان بايبازاروۆ ايتتى.

– ەڭ الدىمەن، ەشقانداي دەفولت كۇتىلمەيدى. جالپى، قارجىلىق جاي-كۇي تۇراقتى، مەملەكەتتىڭ قورى بار. سونىقتان بۇل ورايدا دەفولت جايلى ايتۋدىڭ ءجونى جوق، – دەدى نۇرلان بايبازاروۆ.

ونىڭ اتاپ وتۋىنشە، ەلىمىزدىڭ قۇرىلىس ماتەريالدارى مەن قۇرال-جابدىقتارعا تاۋەلدىلىگى بار. دەگەنمەن، ۇكىمەت نەگىزگى تاۋارلار يمپورتىنا تاۋەلدىلىكتى تومەندەتۋگە باعىتتالعان جوبالاردى جۇزەگە اسىرۋ باعىتىندا بەلسەندى جۇمىس ىستەپ جاتىر.

سونىمەن قاتار ۆيتسە-پرەمەر ۆاليۋتا نارىعىنداعى قۇبىلمالىق بارلىق ۋاقىتتا بولعان جانە بولا دا بەرەتىندىگىن باسا ايتتى.

– مۇنداي قۇبىلمالىق بارلىق ۋاقىتتا بولدى جانە ۆاليۋتالىق قۇبىلمالىق بولا دا بەرەدى. ماسەلە، ۆاليۋتالىق باعامنىڭ مۇنداي قۇبىلمالىعىنىڭ تەرىس ىقپالىن تومەندەتۋ ءۇشىن وعان قالاي ارەكەت ەتۋدە، قانداي الدىن الۋ شارالارىن قابىلداۋدا. جۇزەگە اسىرىلىپ جاتقان ينۆەستيتسيالىق جوبالاردىڭ ارقاسىندا مۇنداي تاۋەكەلدەردىڭ ءىس جۇزىندە جوق ەكەندىگىن ايتا الامىن. ويتكەنى، مۇنداي تاۋەكەل تۇرلەرىنە بەلگىلى ءبىر قۇرالدار بار جانە ولار جۇمىس ىستەپ تۇر. ياعني، كومپانيالار بانكتەر جوبالار جۇزەگە اسىرىلىپ جاتقان كەزدە وزدەرىن قالاي ساقتاندىرۋ كەرەكتىگىن بىلەدى، – دەدى ول.

Abai.kz