كولىك پروكۋراتۋراسى مەن كەدەن ورگاندارىنىڭ تەكسەرۋلەرى كەزىندە قۇنى ونداعان ميلليون تەڭگە بولاتىن زاڭسىز ەكسپورتقا جول بەرىلمەدى.

ماڭعىستاۋ وبلىسىندا «مورپورت» كەدەن بەكەتىندە كونتەينەر تەكسەرىلدى، وندا يراننان كەلگەن قوقىس جاشىكتەرىن جەلەۋ ەتىپ، كونتراباندالىق جولمەن اكەلىنگەن Oris – تەمەكىلەرىنىڭ ۇلكەن پارتياسى جاسىرىلعان، جالپى قۇنى 85,9 ملن تەڭگە بولاتىن 226 مىڭنان استام قوراپ.

بۇل فاكتى بويىنشا ەكونوميكالىق كونتراباندا (قر قك-ءنىڭ 234-بابى) بويىنشا سوتقا دەيىنگى تەرگەۋ باستالدى.

سول سياقتى، جەتىسۋ وبلىسىنداعى «التىنكول-جول» بەكەتىندە جەڭىل پانەلدەر اتىن جامىلعان قۇنى 87 ملن تەڭگە بولاتىن 400 مىڭ قوراپ تەمەكىنى زاڭسىز الىپ ءوتۋ ارەكەتى توقتاتىلدى. جۇك پولشاعا جەتكىزىلمەك بولعان.

تۇركىستان وبلىسىندا 17 كولىكپەن شەكارادان وتپەك بولعان 413 توننا اعاشتى زاڭسىز ەكسپورتتاۋعا جول بەرىلمەدى. قىلمىسكەرلەر اكىمشىلىك جاۋاپكەرشىلىككە تارتىلدى.

پروكۋراتۋرا مەن كەدەن ورگاندارىنىڭ ۇيلەستىرىلگەن جۇمىسىنىڭ ناتيجەسىندە ەكسپورتتىق وپەراتسيالاردىڭ زاڭدىلىعىن باقىلاۋعا جانە مەملەكەتتىڭ مۇددەسىن قورعاۋعا بولادى. كونتراباندامەن كۇرەسۋ جۇمىستارى جالعاسۋدا.

Abai.kz