ورمان ءورتىن ەرتە انىقتايتىن اۆتوماتتاندىرىلعان جۇيە "ەرتىس ورمانى" تابيعي رەزەرۆاتىندا جانە "كوكشەتاۋ" ۇلتتىق پاركىندە ىسكە اسىرىلدى، دەپ مالىمدەدى ەكولوگيا جانە تابيعي رەسۋرستار مينيسترلىگى.

سونداي-اق، "مەدەۋ" وڭىرلىك پاركىندە، "بۋراباي" ۇلتتىق پاركىندە، قوستاناي، باتىس قازاقستان جانە سولتۇستىك قازاقستان وبلىستارىنىڭ ورمان مەكەمەلەرىندە ەنگىزىلگەن.

- جۇيە ورمان القاپتارىن ۇزدىكسىز باقىلاۋدى قامتاماسىز ەتەدى. ارنايى وپتيكالىق داتچيكتەر مەن دەرەكتەردى تالداۋ الگوريتمدەرى ءارتۇرلى جاعدايلاردا، سونىڭ ىشىندە تاۋلار مەن دالادا، ءتىپتى ۇزاق قاشىقتىقتا دا ءورتتى اۆتوماتتى تۇردە انىقتايدى. جۇيەگە جاساندى ينتەللەكت بىرىكتىرىلگەن، ول دەرەكتەردى تىركەپ، بىردەن اقپارات ورتالىعىنا جىبەرەدى. جۇيە ەنگىزىلگەن ۋچاسكەلەردە بەينەكامەرالار، دەرەكتەردى بەرۋگە ارنالعان انتەننالار، سونداي-اق دەرەكتەردى وڭدەۋ جانە ەلەكترمەن جابدىقتاۋ جۇيەسى ورناتىلعان، - دەدى سپيكەر ەكولوگيا جانە تابيعي رەسۋرستار ۆيتسە-ءمينيسترى نۇرلان قۇرمالاەۆ.

Abai.kz