جاڭادان سايلانعان پرەزيدەنت دونالد ترامپ قحر توراعاسى سي ءتسزينپيندى كەلەسى ايدا بولاتىن يناۋگۋراتسياسىنا شاقىردى، دەپ حابارلايدى  مەنشىكتى ءى BNN Bloomberg.

بۇل شاقىرۋ دونالد ترامپتىڭ الەمدەگى ەكىنشى ءىرى ەكونوميكاعا جاڭا باجدار ەنگىزۋ قاۋپى جاعدايىندا قىتايلىق ارىپتەسىن وزىنە قاراتۋ ارەكەتىن بىلدىرەدى.

دونالد ترامپ NBC تەلەارناسىنا وسى اپتادا سي تسزينپينمەن سويلەسكەنىن جانە قىتاي باسشىسىمەن «وتە جاقسى ءتىل تابىسىپ كەتكەنىن» حابارلادى. سوڭعى رەت ەكى كوشباسشى 2019 جىلى ماۋسىمدا جاپونيادا وتكەن G20 ءسامميتى اياسىندا جەكە كەزدەسكەن.

سي تسزينپين دونالد ترامپتى سايلاۋداعى جەڭىسىمەن قۇتتىقتاپ، تۇراقتى قارىم-قاتىناستى ساقتاپ قالۋدى قالايتىنىن ءبىلدىردى.

اتاپ وتىلگەندەي، ادەتتە ەلشىلەر قاتىساتىن اقش پرەزيدەنتىنىڭ ۇلىقتاۋ راسىمىنە قىتايدىڭ بىردە-ءبىر باسشىسى قاتىسقان جوق. مەملەكەتتىك دەپارتامەنت جازبالارى كەم دەگەندە 1874 جىلدان بەرى بىردە-ءبىر شەتەلدىك مەملەكەت باسشىسى مۇنى جاساماعانىن كورسەتىپ وتىر.

سي تسزينپين سوڭعى رەت اقش-قا 2023 جىلعى قاراشادا ازيا-تىنىق مۇحيتى ەكونوميكالىق ىنتىماقتاستىعى سامميتىنە قاتىسۋ ءۇشىن بارىپ، پرەزيدەنت دجو بايدەنمەن كەلىسسوزدەر جۇرگىزدى.

Abai.kz