2023 جىلدىڭ باسىنان باستاپ الماتىدا 650 مىڭعا جۋىق اعاش پەن بۇتا وتىرعىزىلدى. بۇل تۋرالى الماتىدا ورتالىق كوممۋنيكاتسيالار قىزمەتىندە وتكەن بريفينگتە قالا اكىمى ەربولات دوساەۆ مالىمدەدى.

«مەملەكەت باسشىسىنىڭ «الماتى – باقشا قالا» مارتەبەسىن جانداندىرۋ تۋرالى تاپسىرماسىن ورىنداۋ ماقساتىندا 2030 جىلعا دەيىن 2,5 ملن جاسىل جەلەك وتىرعىزۋ بويىنشا جول كارتاسى بەكىتىلدى. 2025 جىلدان باستاپ كوشەت ەگۋ كەزىندە الماتى اكىمدىگى ءىرى كولەمدى كوشەتتەردى جاپپاي قولداناتىن بولادى. وسىلايشا بيىكتىگى 4 جانە 6 مەتردەن اساتىن 27 مىڭ كوشەت وتىرعىزىلادى»، - دەدى اكىم.

الماتى قالاسىندا جاسىل جەلەكتەردى قورعاۋ جانە كۇتۋ قاعيدالارىمەن سۋارۋ جۇيەسىن مىندەتتى تۇردە جۇرگىزۋ جونىندەگى نورما ەنگىزىلدى.

2 جىل ىشىندە 500 كم اۆتوماتتاندىرىلعان سۋارۋ جانە تامشىلاتىپ سۋارۋ جەلىلەرى ورناتىلدى. 2025 جىلى تاعى 290 كم وسىنداي جەلىلەر ورناتىلادى (سوماسى 4,1 ملرد.تەڭگە), بۇل اۆتوماتتاندىرىلعان سۋارۋ جۇيەسىمەن 1 ملن اعاشقا دەيىن قامتۋدى ۇلعايتۋعا مۇمكىندىك بەرەدى.

الماتى قالاسىنىڭ جاسىل جەلەكتەرىن وتىرعىزۋ جانە كۇتىپ ۇستاۋ بويىنشا جاڭا تاسىلدەردى قولدانۋ ناتيجەسىندە كوشەتتەردىڭ قۇلاپ ءتۇسۋى 2022 جىلعى 30% - دان 2024 جىلى 10% - عا دەيىن تومەندەدى.

ەستەرىڭىزگە سالا كەتەيىك، 2024 جىلدىڭ ءساۋىر ايىندا «الماتى – ءبىزدىڭ ورتاق ءۇيىمىز» اكتسياسى اياسىندا قالانى كوگالداندىرۋ بويىنشا «الماتى – باقشا قالا» اۋقىمدى اكتسياسى وتكىزىلدى. اۋدان اكىمدىكتەرى الما اللەيالارىن قۇرۋعا جانە بۇتالاردى وتىرعىزۋعا بەلسەندى قاتىستى. بارلىعى 7 مىڭنان استام جاسىل جەلەك وتىرعىزىلدى، ونىڭ ىشىندە 4 015 جەمىس اعاشى، 1 090 جاپىراقتى اعاش جانە 2 600 بۇتا.

Abai.kz