ۇشاق اپاتىنان امان قالعان ستيۋاردەسساعا ارنالادى.

اسپانسەرىك قارىنداسىم، باۋىرىم،
الىس ەمەس ساعان مەنىڭ اۋىلىم!
سەن تاپ بولعان قاسىرەتكە تالايسىز
ەلىڭمەنەن مەن دە بىرگە اۋىردىم.

اسپانسەرىك قارىنداسىم، باتىلىم،
سىن ساعاتتا سىر بەرمەگەن باتىرىم!
زارداپ شەككەن جاس جانىڭدى جەبەۋگە
تۇركى بابام قولداسىن دەپ شاقىردىم.

اسپانسەرىك قارىنداسىم، قاناتىم،
جارالى ۇشاق مەكەن تاپپاي قوناتىن،
اجال تونگەن تالاي جاندى ساقتادى
قاسيەتتى جۇمساق جەرى قازاقتىڭ.

اسپانسەرىك قارىنداسىم، ارلى ءانىم،
ازەربايجان قالىڭ جۇرتىڭ ورمانىڭ.
پەندەشىلىك قياناتتان قيساپسىز
ۇزىلمەسىن كوكتە سامعاۋ – ارمانىڭ!

اسپانسەرىك قارىنداسىم، شىرايلى،
وزىڭمەنەن الەم بىرگە جىلايدى.
بۇكىل دۇنيە، پاتشا تاعى مالى دا*
كوز جاسىڭنىڭ تامشىسىنا تۇرمايدى
جانارىڭدا ادامزاتتىق تۇر قايعى!

مۇحتار كارىباي

ديپلومات، پۋبليتسيست، اقىن

* ماعجان جۇماباەۆتىڭ ولەڭىنەن

Abai.kz