بۇگىن قر ءىىم باس پروكۋراتۋراسى مەن ينتەرپول قىزمەتكەرلەرى قازاقستاننىڭ سەربياداعى ەلشىلىگىنىڭ كومەگىمەن قازاقستان ازاماتىن اسا ءىرى مولشەردە الاياقتىق جاساعانى ءۇشىن قىلمىستىق جاۋاپكەرشىلىككە تارتۋ ءۇشىن سەربيا رەسپۋبليكاسىنان ەكستراديتسيالادى. 

كۇدىكتى 2018 جىلدان 2019 جىلعا دەيىنگى كەزەڭدەگى ارالىقتا «Kolesa.kz» سايتىندا ارنايى تەحنيكانى ساتۋ تۋرالى جالعان حابارلاندىرۋ ورنالاستىرۋ ارقىلى، 4 ازاماتتىڭ اقشاسىن ۇرلاپ، ولارعا 205 000 دوللار شىعىن كەلتىردى.

قىلمىس جاساعاننان كەيىن كۇدىكتى قاشىپ كەتتى، وسىعان بايلانىستى ول حالىقارالىق ىزدەۋگە جاريالاندى.

2023 جىلى ول سەربيا اۋماعىندا ۇستالىپ، قازاقستاننىڭ باس پروكۋراتۋراسىنىڭ ءوتىنىشى بويىنشا ەلىمىزگە ەكستراديتسيالاندى.

قازىرگى ۋاقىتتا كۇدىكتى استانا قالاسىنىڭ تەرگەۋ يزولياتورىنا قامالدى.

ايىپتالعان قىلمىس جاساعانى ءۇشىن مۇلكى تاركىلەنىپ، بەس جىلدان ون جىلعا دەيىنگى مەرزىمگە باس بوستاندىعىنان ايىرۋ جازاسى قاراستىرىلعان.

Abai.kz