وزبەكستان تۇرىكتىڭ TUSAŞ اەروعارىش كومپانياسى جاساپ شىعارعان ANKA SIHA اسكەري دروندارىن ساتىپ الۋ جونىندە كەلىسىمگە قول قويدى. «دروندار جاقىن ارادا ەلگە جەتكىزىلە باستايدى» - دەپ جازدى قورعانىس ونەركاسىبى جانە اۆياتسياعا ماماندانعان SavunmaSanayiST سايتى.

ازىرگە ساتىپ الىناتىن دروندار سانى مەن باعاسى ايتىلمادى. كەلىسىمنىڭ جاي-جاپسارى بەلگىسىز. ANKA دروندارىن تۇركيا، الجير، قازاقستان، تۋنيس، مالايزيا، يندونەزيا، چادتىڭ قارۋلى كۇشتەرى ءجيى پايدالانادى.

باسىلىمنىڭ جازۋىنشا، ەكى موتورلى AKSUNGUR درونى اۋەدە 50 ساعاتتان استام قالىقتاي ۇشىپ، 750 كيلو جۇكتى تاسىمالداي الادى. ال ءبىر موتورلى ANKA SIHA – اۋەدە 30 ساعات ۇشىپ، 350 كيلو جۇكتى تاسىمالداي الادى.

2023-جىلى قاراشادا وزبەكستان پرەزيدەنتى شاۆكات ميرزياەۆ سۋرحاندارياداعى اسكەري بولىمگە بارىپ، تۇرىكتىڭ BAYRAKTAR TB2 درونىنىڭ ۇشۋىن باقىلاعان.

2024-جىلى ماۋسىمدا انكاراعا ساپارى كەزىندە ميرزيەۆ تۇرىكتىڭ جاڭا Kaan جويعىش ۇشاعىن تاماشالاپ، ىزىنشە تاشكەنتتە تۇركيا قورعانىس ءمينيسترى ياشار گيۋلەر جەتەكشىلىك ەتكەن تۇرىك دەلەگاتسياسىن قابىلداعان.

Abai.kz