بۇگىن قازاقستان پرەزيدەنتى بىرقاتار اۋىس-تۇيىستەر جاسادى. پرەزيدەنت جارلىقتارىن اقوردانىڭ ءباسپاسوز قىزمەتى جاريالادى.

سونىمەن، كىمدەر قانداي قىزمەتتەرگە تاعايىندالدى؟

تامارا دۇيسەنوۆا – پرەزيدەنت كومەكشىسى

«مەملەكەت باسشىسىنىڭ جارلىعىمەن تامارا بوسىمبەكقىزى دۇيسەنوۆا قازاقستان رەسپۋبليكاسى پرەزيدەنتىنىڭ كومەكشىسى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى»، - دەپ جازىلعان جارلىقتا.

وسىعان دەيىن تامارا دۇيسەنوۆا پرەمەر-ءمينيستردىڭ ورىنباسارى قىزمەتىن اتقارىپ كەلگەن.

ەرمەك كوشەرباەۆ – ۆيتسە-پرەمەر

«مەملەكەت باسشىسىنىڭ جارلىعىمەن ەرمەك بەدەلبايۇلى كوشەرباەۆ قازاقستان رەسپۋبليكاسى پرەمەر-ءمينيسترىنىڭ ورىنباسارى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى»، - دەلىنگەن جارلىقتا.

بۇعان دەيىن كوشەرباەۆ شقو اكىمى قىزمەتىن اتقارىپ كەلدى.

نۇرلان ۇرانحاەۆ – اباي وبلىسى اكىمى قىزمەتىنەن الىندى

«مەملەكەت باسشىسىنىڭ جارلىعىمەن نۇرلان تەلمانۇلى ۇرانحاەۆ اباي وبلىسىنىڭ اكىمى لاۋازىمىنان بوساتىلدى»، - دەلىنگەن جارلىقتا.

Abai.kz