حالىقارالىق يكاو ۇيىمى اقتاۋ ماڭىنداعى ۇشاق اپاتىنىڭ سەبەبىنە قاتىستى الدىن الا ەسەپتى جوعارى باعالادى.

يكاو تالاپتارىنا، ستاندارتتارىنا جانە ۇسىنىلعان تاجىريبەگە سايكەس تەرگەۋگە ءبىر جىل بەرىلەدى. تيىسىنشە، تەرگەۋ قورىتىندىسى بيىل جەلتوقسانعا دەيىن دايىن بولۋى ءتيىس. قىلمىستىق تەرگەۋگە كەلسەك، بۇل پروكۋراتۋرا ورگاندارىنىڭ قۇزىرەتىنە جاتادى، وسى ورايدا قىلمىستىق ىسپەن اينالىساتىن جەدەل-تەرگەۋ توبى قۇرىلدى. قىلمىستىق تەرگەۋ مەرزىمى بويىنشا وزدەرى تۇسىنىكتەمە بەرەدى،
- دەدى تالعات لاستاەۆ.

ونىڭ ايتۋىنشا، اۆياتسيا سالاسىنداعى بارلىق ستاندارت پەن نورمانى يكاو ۇيىمى رەتتەيدى.

ءبىر اپتا بۇرىن، ابۋ-دابيدە جاھاندىق ءىس-شارا بارىسىندا يكاو باس حاتشىسى جانە پرەزيدەنتىمەن كەزدەسۋ ءوتتى. ولار قازاقستاننىڭ ۇشاق اپاتىنا قاتىستى الدىن الا ەسەپتىڭ دەڭگەيى مەن ساپاسىن جوعارى باعالاپ، فاكتىلەردىڭ ناقتى باياندالۋىن، اقپاراتتىڭ ناقتىلانۋى مەن تولىقتىعىن اتاپ ءوتتى،
- دەيدى ول.

qaz365.kz دەرەككوزى

Abai.kz