قازاقستاندا ۇلتتىق قوردان بولىنگەن قاراجاتتىڭ جۇمسالۋىنا مونيتورينگ جۇرگىزۋ جونىندەگى كوميسسيا جۇمىسىن قايتا باستادى.

بۇل تۋرالى قر جوعارعى اۋديتورلىق پالاتا ءباسپاسوز قىزمەتى مالىمدەپ وتىر.

قوردىڭ قاراجاتىن، ەڭ الدىمەن، مەملەكەت مۇددەسى ءۇشىن، ياعني ەلىمىزدىڭ ستراتەگيالىق ماقساتتارىن جۇزەگە اسىرۋ ءۇشىن پايدالانۋ قاجەت. ۇلتتىق قور شەتەلدىك قارجى ينستيتۋتتارىنا قىزمەت ەتپەۋى كەرەك. ۇلتتىق قور – ۇزاق مەرزىمگە ارنالعان ماكروەكونوميكالىق تۇراقتىلىقتى قامتاماسىز ەتەتىن اسا ماڭىزدى قۇرال. سوندىقتان ونى ءتيىمدى باسقارۋ قاجەت،
— دەيدى پرەزيدەنت.

كوميسسيا توراعاسى ءاليحان سمايىلوۆ ۇلتتىق قور قاراجاتىن جۇمساۋدىڭ زاڭدىلىعى مەن تيىمدىلىگىنە مونيتورينگ جۇرگىزۋ تاسىلدەرى وزەكتەندىرىلەتىنىن اتاپ ءوتتى.

كوميسسيانىڭ جۇمىسىن قايتا باستاۋىمىز كەرەك. ۆەدومستۆوارالىق ءىس-قيمىل مەن ۇلتتىق قور قاراجاتىنىڭ ءتيىمدى جانە ماقساتتى پايدالانىلۋىن باقىلاۋ ءۇشىن جاۋاپكەرشىلىك ايماقتارىن ناقتى ايقىنداۋ قاجەت،
— دەدى ءاليحان سمايىلوۆ.

«ۇلتتىق قور – بالالارعا» باعدارلاماسىنا بايلانىستى دا جۇرتشىلىقتىڭ ۇلتتىق قوردى ۇتىمدى پايدالانۋعا نازارى كۇشەيۋدە.

ۇلتتىق قوردان الىناتىن ترانسفەرتتەردەن ەكونوميكالىق قايتارىم بولۋى قاجەت. ۇلتتىق قور مەملەكەتتىك ماڭىزدى ەمەس مىندەتتەرگە پايدالانىلماۋى ءتيىس. مەملەكەت باسشىسى وسىنداي مىندەت قويدى،
— دەپ اتاپ ءوتتى جوعارى اۋديتورلىق پالاتا توراعاسى.

ءاليحان سمايىلوۆ الداعى كەزەڭگە ارنالعان مىندەتتەردى اتاپ ءوتتى:

ۇلتتىق قوردان ەكونوميكانى جەڭىلدەتىلگەن شارتتارمەن قولداۋعا بولىنگەن قاراجاتقا تەكسەرۋ جۇرگىزۋ;
ۇلتتىق قور قاراجاتىن نەعۇرلىم باسىم باعىتتارعا قايتا ءبولۋ نەمەسە ولاردى قايتارۋ جونىندە ۇسىنىستار بەرۋ.

قازىرگى تاڭدا كوميسسيا قۇرامىن جاڭارتۋ، ونىڭ قىزمەتىن جاڭا فورماتتا رەگلامەنتتەۋ، قورىتىندىلاردىڭ ساپاسىن ارتتىرۋ ماسەلەلەرى تالقىلانۋدا.

Abai.kz