الماتىدا وتكەن قورعانىس-ونەركاسىپ كەشەنى كاسىپورىندارى قاۋىمداستىعىنىڭ III كونفەرەنتسياسىندا قورعانىس ۆەدومستۆوسىنىڭ باسشىسى گەنەرال-پولكوۆنيك رۋسلان جاقسىلىقوۆ مەملەكەتتىك قورعانىس تاپسىرىسىن قالىپتاستىرۋ مەن ورىنداۋدىڭ باسىمدىقتارىن ايقىندادى.

كونفەرەنتسياعا قاتىسۋشىلار قورعانىس سالاسىن دامىتۋدىڭ وزەكتى ماسەلەلەرىن تالقىلادى. كاسىپكەرلەردىڭ پىكىرىنشە، كەلىسىمشارتتىڭ ءبىر جىلدىق مەرزىمى كۇردەلى جۇمىستاردى، جوعارى تەحنولوگيالىق تاپسىرىستاردى ورىنداۋ ءۇشىن جەتكىلىكسىز. ءىس جۇزىندە ولار كوپتەگەن كومپونەنتتەردى جەتكىزۋدى تالاپ ەتەدى، ال قازىرگى كەزدە لوگيستيكاعا قاتىستى ماسەلەلەر كەلىسىمشارت تالاپتارىنىڭ بۇزىلۋىنا اكەلەدى.

سۋرەت: gov.kz سايتىنان الىندى.

قورعانىس ءمينيسترى جاسالاتىن كەلىسىمشارتتاردىڭ مەرزىمىن ءۇش جىلعا دەيىن ۇلعايتۋدى قاراستىرۋدى ۇسىندى، سونىمەن قاتار ول مەملەكەتتىك ورگان مەن قورعانىس-وناركاسىپ كەشەندەرى كاسىپورىندارى قاۋىمداستىعىنىڭ وتاندىق ءوندىرىستى دامىتۋ جانە جالعان كاسىپكەرلىك، جاسىرىن يمپورت پەن باعانى نەگىزسىز كوتەرۋ فاكتىلەرىن انىقتاۋعا كۇش-جىگەردى بىرىكتىرۋگە شاقىردى.

– بۇگىندە قورعانىس-ونەركاسىپ سالاسىندا 120-دان اسا كومپانيا بار، دەگەنمەن ولاردىڭ بارلىعى ناقتى وندىرۋشىلەر ەمەس. ولاردىڭ ءبىرازى ءونىم شىعارماي-اق مەملەكەتتىك قورعانىس تاپسىرىسى اياسىندا قارجى الۋدى كوزدەيتىندەر، – دەدى ول.

سۋرەت: gov.kz سايتىنان الىندى.

قورعانىس ءمينيسترىنىڭ پىكىرىنشە، بۇل ماسەلەنى قۇرامىندا قورعانىس مينيسترلىگى، باس پروكۋراتۋرا، قر قارجى مونيتورينگى اگەنتتىگى جانە «اتامەكەن» ۇكپ وكىلدەرى بار كوميسسيا قۇرۋ ارقىلى شەشۋگە بولادى. بۇل كوميسسيا ءوزىن اسكەري ماقساتتاعى ءونىم وندىرۋشىلەر رەتىندە كورسەتەتىن كاسىپورىنداردى تەكسەرەدى. ودان وزگە مينيستر، شەتەلدەن تەحنولوگيالاردى ساتىپ الۋ كەزىندە دە ءوندىرىستى ودان ءارى وقشاۋلاۋ قازاقستاندا بولۋى ءتيىس ەكەنىن اتاپ ءوتتى.

سونىمەن قاتار، قورعانىس ۆەدومستۆوسىنىڭ باسشىسى سەمەي تانك جوندەۋ زاۋىتىنىڭ بازاسىندا كلاستەر قۇرۋ قاجەتتىگىن مالىمدەدى.

سۋرەت: gov.kz سايتىنان الىندى.

– ءوندىرىس ورنى بروندى تانك تەحنيكاسىن عانا ەمەس، قارۋ-جاراقتى، ارتيللەريالىق جۇيەلەرىن، ترانسميسسيالاردىڭ كۇشتىك قوندىرعىلارىن جوندەۋگە دە ماماندانۋى ءتيىس. مۇنىڭ ءبارى ورىندالۋى كەرەك، – دەدى مينيستر.

كونفەرەنتسيا قورىتىندىسى بويىنشا قورعانىس مينيسترلىگى مەن قورعانىس-ونەركاسىپ كەشەندەرى كاسىپورىندارىنىڭ قاۋىمداستىعى وتاندىق قورعانىس سالاسىن دامىتۋدىڭ بىرىڭعاي ستراتەگيالىق تۇعىرناماسىن ازىرلەۋ ءۇشىن بىرلەسكەن كوميسسيا قۇرۋعا شەشىم قابىلدادى.

سۋرەت: gov.kz سايتىنان الىندى.

قورعانىس ءمينيسترى قاۋىمداستىق مۇشەلەرى كوتەرگەن بارلىق ماسەلەلەر وزەكتى بولىپ تابىلاتىنىن اتاپ ءوتىپ، باعانى رەتتەۋ مەن كەلىسىمشارتتاردىڭ مەرزىمدەرىن ۇزارتۋ جونىندە بىرقاتار تاپسىرمالار بەرەتىنىن العا تارتتى. سونداي-اق ول قورعانىس مينيسترلىگى مەن قورعانىس-ونەركاسىپ كەشەندەرى كاسىپورىندارى قاۋىمداستىعىنىڭ وكىلدەرى كىرەتىن جۇمىس توبى شەڭبەرىندە بارلىق پروبلەمالاردى شەشۋگە بولاتىنىنا سەنىم ءبىلدىردى.

سۋرەت: gov.kz سايتىنان الىندى.

ەستەرىڭىزگە سالا كەتسەك، 2025 جىلعى 13 اقپاندا «قازاقستان رەسپۋبليكاسىنىڭ مەملەكەتتىك باسقارۋ جۇيەسىن ودان ءارى جەتىلدىرۋ جونىندەگى شارالار تۋرالى» پرەزيدەنت جارلىعىنىڭ قابىلدانۋىمەن مەملەكەتتىك قورعانىس تاپسىرىسىن قالىپتاستىرۋ مىندەتتەرى قورعانىس مينيسترلىگىنىڭ قاراماعىنا بەرىلدى.

Abai.kz