الەمدىك باق اتىن اتاعىسى كەلمەگەن اق ءۇي شەنەۋنىگىنىڭ مالىمەتىنە سۇيەنىپ ترامپتىڭ جۇما كۇنى بولعان زەلەنسكيمەن اراداعى كەلىسپەۋشىلىكتەن كەيىن ۋكرايناعا بەرىلىپ كەلگەن اسكەري كومەكتى توقتاتۋعا بۇيرىق بەرگەنىن جارىسا جازىپ جاتىر.

اق ءۇي وكىلى باسىلىمدارعا: ء"بىز ۋكرايناعا بەرىلىپ كەلگەن اسكەري كومەكتى ۋقىتشا توقتاتامىز ءارى قايتا قارايمىز. ونىڭ مەرزىمى زەلەنسكيدىڭ ۇستانىمىنىڭ وزگەرۋىنە بايلانىستى" دەگەن.

قازىرگى كۇنى ۋكرايناعا جەتۋگە ءتيىس اسكەري قارۋ-جاراقتىڭ ءبارى "مۇزداتىلعان". وعان تەڭىز بەن اۋە كەمەلەرىنە تيەلگەن سونداي-اق پولشا مەن ۋكراينا شەكاراسىنا جەتكىزىلگەن قارۋلاردا كىرەدى ەكەن. ترامپ كومەكتىڭ توقتاتىلعانى تۋرالى ءتىلشى سۇراعىنا زەلەنسكي اقش-تىڭ كومەگىنە راحمەت ايتپادى دەگەن جاراپازانىن تاعى دا قايتالاعان.

ترامپ ۋكرايناعا عانا ەمەس باستى باسەكەلەسى قىتايعا، كورشىلەرىنە دە قاقارىن توگۋدە. بۇگىننەن باستاپ ونىڭ مەكسيكا مەن كاناداعا كەدەندىك سالىقتى ۇستەمەلەۋ تۋرالى جارلىعى كۇشىنە ەندى. اق ءۇي قوجايىنى ەكى كورشىسىن "امەريكاعا زاڭسىز كىرۋشىلەردى تەجەۋدە ناتيجەلى جۇمىس اتقاردى" دەپ باعالاعانىمەن، قىتايدان كەلەتىن فەنتانيلگە ءالى دە توسقاۋىل قويمادى دەپ ايىپتادى. كانادا تارابى جاۋاپ رەتىندە اقش تاۋارلارىنا دا سول مولشەردە كەدەندىك سالىق سالاتىنىن جەتكىزسە، مەكسيكا جاعى ترامپتىڭ ىعىنا جىعىلىپ، قىتاي تاۋارلارىنا كەدەندىك سالىقتى ۇلعايتاتىن بولدى.

كورشىسىن قويىپ، اسكەري وداقتاسى ناتو-عا مۇشە ەلدەرگە ورىنسىز تالاپ قويىپ وتىرعان ترامپ ءبىر جاعىنان زەلەنسكيدى قىسپاققا السا، كەرىسىنشە ساۋدا مينيستىرىنە رەسەيگە سالىنعان سانكتسيانى قايتا قارايدى تاپسىرعان. بايدەن بيلىگى ورىس اسكەرى ۋكرايناعا باسىپ كىرگەننەن كەيىن رەسەيدىڭ ەنەرگيا، فينانس سالاسىنداعى كومپانيالارىنا ەكونوميكالىق جازا تاعايىنداعان ەدى.

Abai.kz