ونەركاسىپ جانە قۇرىلىس ءمينيسترى ەرسايىن ناعاسپاەۆ بيىل ەلىمىزدە 19 ميلليون شارشى مەتر تۇرعىن ءۇيدى پايدالانۋعا بەرىلەتىنىن جەتكىزدى.

بيىل 19 ميلليون شارشى مەتر تۇرعىن ءۇيدى پايدالانۋعا بەرۋ ءۇشىن «بايتەرەك» ارقىلى 500 ميلليارد تەڭگە قوسىمشا قاراجات ءبولۋ ماسەلەسى پىسىقتالعان.

اتاپ ايتقاندا:

• 21 مىڭ جالعا بەرىلەتىن پاتەرلەردى ساتىپ الۋعا 300 ميلليارد تەڭگە قاجەت.
• ينجەنەرلىك-كوممۋنيكاتسيالىق ينفراقۇرىلىم قاجەتتىلىگى 120 ميلليارد تەڭگە.
• وتباسى بانكىنىڭ «2-10-20» جانە «5-10-20» يپوتەكالىق باعدارلامالارى بويىنشا 80 ميلليارد تەڭگە قاجەت.

«مينيسترلىكتىڭ تۇرعىن ءۇي قۇرىلىسىن ىنتالاندىرۋ جانە كەزەكتە تۇرعانداردى قولجەتىمدى تۇرعىن ۇيمەن قامتاماسىز ەتۋ بوينىشا باستامالارىن قولداۋىڭىزدى سۇرايمىن», – دەدى ناعاسپاەۆ ۇكىمەت وتىرىسىندا.

Abai.kz