2025 جىلدىڭ  18 ناۋرىز كۇنى، ساعات 1100-دە «قولجازبالار جانە سيرەك كىتاپتار ۇلتتىق ورتالىعى» رەسپۋبليكالىق مەملەكەتتىك مەكەمەسىندە قازاقستان رەسپۋبليكاسى  قارۋلى كۇشتەرى ۇلتتىق اسكەري-پاتريوتتىق ورتالىعىمەن ۇلى جەڭىستىڭ 80 جىلدىعى،  داڭقتى قولباسشى، اسكەري قايراتكەر، جازۋشى، كەڭەس وداعىنىڭ باتىرى باۋىرجان مومىشۇلىنىڭ تۋعانىنا 115 جىل تولۋىنا وراي  «باۋىرجان مومىشۇلى-اتى اڭىزعا اينالعان قولباسشى» اتتى كورمە ۇيىمداستىرۋ جوسپارلانۋدا.

كورمەنىڭ ماقساتى: حالىق قاھارمانى باۋىرجان مومىشۇلىنىڭ مۇراسى ەرلىك پەن تارتىپكە، پاتريوتيزمگە تولى، ءومىر جولى ار-نامىس، ادىلدىك جانە ادامگەرشىلىك قاعيدالارىنا نەگىزدەلگەن. پاتريوتتىق رۋح، شەشىم قابىلداۋداعى سەنىمدىلىك، ءتارتىپ، دانالىق پەن پاراساتتىلىق قاسيەتتەرىن ناسيحاتتاۋ ارقىلى جاستاردىڭ رۋحىن كوتەرۋ، پاتريوتتىق سەزىمدەرىن وياتۋ، ەلىن قورعاۋعا، تۋعان جەرىن سۇيۋگە دەگەن سەنىمىن نىعايتۋ.

ب. مومىشۇلىنىڭ بويىندا ناعىز اسكەري ادامعا ءتان قاھارلىلىق پەن وتانعا دەگەن سۇيىسپەنشىلىك قاتار ۇيلەسىمىن تاپقان اسكەري قولباسشىنىڭ سۇراپىل سوعىستاعى ەرلىكتەرى مەن بەيبىت ومىردەگى قىزمەتتەرى وتانشىلدىق پەن ءپاتريوتيزمنىڭ ۇلگىسى. مايدان دالاسىندا شەبەر قولباسشى، ستراتەگ جانە تاكتيك بولعان باۋىرجان مومىشۇلى ءوز كوزىمەن كورگەن قان مايدان وقيعالارىن اق قاعاز بەتىنە ءتۇسىرىپ، كوپتەگەن مەمۋارلىق ەڭبەك جازعان جازۋشى. ونىڭ قالامىنان شىققان 30 تومنان اساتىن ەڭبەكتەرى جاس ۇرپاققا ۇلگى بولارى ءسوزسىز.

كورمەگە ب. مومىشۇلىنىڭ جەكە كۇندەلىگى، 1955-1956 جىلدارى كالينين قالاسىندا پايدالانعان  بلوكنوتى، سوعىس كەزىندەگى قولدانعان جەكە كارتاسى، پورترەتى، فوتو-سۋرەتتەرى جانە قاھارماندىق ەرلىگى تۋرالى جازىلعان كوركەم تۋىندىلارى مەن ۇلى وتان سوعىسى جايلى تاريحي كىتاپتار قويىلادى.

قاتىساتىندار: قر مادەنيەت جانە اقپارات مينيسترلىگىنىڭ وكىلدەرى، قازاقستان رەسپۋبليكاسى قارۋلى كۇشتەرى ۇلتتىق اسكەري-پاتريوتتىق ورتالىعىنىڭ وكىلدەرى، ۇلتتىق ۇلان ارداگەرلەر كەڭەسىنىڭ مۇشەلەرى، كەڭەس وداعىنىڭ باتىرى، حالىق قاھارمانى، ارميا گەنەرالى س.ق. نۇرماعامبەتوۆ  اتىنداعى اسكەري كوللەدجىنىڭ جاس ۇلاندارى، كوللەدج جانە جوو ستۋدەنتتەرى مەن مەكتەپ وقۋشىلارى.

ۇيىمداستىرۋشى: «قولجازبالار جانە سيرەك كىتاپتار ۇلتتىق ورتالىعى» رمم.

وتەتىن ورنى: قولجازبالار جانە سيرەك كىتاپتار ۇلتتىق ورتالىعىنىڭ كورمە زالى (كىرۋ  اقمەشىت كوشەسى جاعىنان)

مەكەن-جايى: استانا قالاسى، نۇرجول جەلەكجولى، 12

Abai.kz