«الماتى سۋ» كوممۋنالدىق كاسىپورنىنىڭ كۇردەلى قۇرىلىس دەپارتامەنتىنىڭ ديرەكتورى سوتتالدى.

بۇعان دەيىن، اعىمداعى جىلدىڭ 9 قاڭتارىندا الماتى قالاسىنىڭ بوستاندىق اۋداندىق سوتى «الماتى سۋ» كوممۋنالدىق كاسىپورنىنىڭ كۇردەلى قۇرىلىس دەپارتامەنتىنىڭديرەكتورى م. جولدىباەۆتىڭ ۇكىمىن جاريالادى.

ول ورىندالعان جۇمىستار اكتىلەرىنە كەدەرگىسىز قول قويۋ جانە قالانىڭ كارىز جۇيەلەرىن كۇردەلى جوندەۋ جانە سۋمەن جابدىقتاۋ جونىندەگى جۇمىستاردى مەملەكەتتىك ساتىپ الۋ شارتتارى بويىنشا بيۋدجەت قاراجاتىن اۋدارۋ سىلتاۋىمەن كاسىپكەردەن 75 ملن تەڭگە
جىمقىرۋعا وقتالعانى ءۇشىن كىنالى دەپ تانىلدى.

جولدىباەۆقا 5 جىل مەرزىمگە كوممەرتسيالىق جانە قارجى ۇيىمدارىنىڭ باسشىلىعىمەن بايلانىستى قىزمەتپەن اينالىسۋعا تىيىم سالا وتىرىپ، شارتتى تۇردە 5 جىل باس بوستاندىعىنان ايىرۋ تۇرىندەگى جازا تاعايىندالدى.

قاداعالاۋشى پروكۋراتۋرانىڭ نارازىلىعى بويىنشا الماتى قالالىق سوتىنىڭ سوت القاسىنىڭ قاۋلىسىمەن ءبىرىنشى ساتىداعى سوتتىڭ ۇكىمى وزگەرتىلدى.

جولدىباەۆقا 5 جىل مەرزىمگە كوممەرتسيالىق جانە قارجى ۇيىمدارىنىڭ باسشىلىعىمەن بايلانىستى قىزمەتپەن اينالىسۋ قۇقىعىنان ايىرا وتىرىپ، 5 جىل باس بوستاندىعىنان ايىرۋ تۇرىندەگى جازا تاعايىندالدى.

سوت زالىندا سوتتالعان ادام قاماۋعا الىندى.

ۇكىم زاڭدى كۇشىنە ەندى.

Abai.kz