قازاقستاندىقتارعا قىتايعا ساپارلاۋدىڭ جاڭا ەرەجەلەرى تۋرالى ەسكەرتىلدى...

2026 جىلدىڭ 15 قىركۇيەگىنەن باستاپ قىتايدا ەلگە كىرۋ جانە شىعۋ ەرەجەلەرى وزگەرەدى.

FlyArystan اۆياكومپانياسى حابارلاعانداي، جاڭا ەرەجەلەر كۇشىنە ەنگەننەن كەيىن يمميگراتسيالىق باقىلاۋدان ءوتۋ كەزىندە قۇجاتتاردى تەكسەرۋ پروتسەدۋرالارى كوبىرەك ۋاقىت الۋى مۇمكىن. اۆياتاسىمالداۋشى جولاۋشىلارعا اۋەجايعا ۇشۋ ۋاقىتىنان كەمىندە ءۇش ساعات بۇرىن كەلۋدى ۇسىنادى. پاسپورتتىق جانە يمميگراتسيالىق باقىلاۋدان ءوتۋ ءۇشىن قوسىمشا ۋاقىت قاراستىرعان ءجون.

سونىمەن بىرگە قازاقستان مەن قىتاي اراسىنداعى ۆيزاسىز رەجيم ءوز كۇشىندە قالا بەرەدى. قازاقستان ازاماتتارى ءبىر ساپار شەگىندە قحر اۋماعىندا ۆيزاسىز 30 كۇنتىزبەلىك كۇنگە دەيىن بولا الادى.

ەسكە سالا كەتەيىك، بۇعان دەيىن قازاقستاندىقتار قىتايمەن شەكارادا ساقال قويعان ەر ادامداردى كەرى قايتارا باستاعانىن نەمەسە ەلگە كىرەر الدىندا ساقالىن قىرۋدى وتىنگەنىن ايتقان بولاتىن. ولاردىڭ سوزىنشە، مۇنداي تەكسەرۋلەرگە «قورعاس» وتكىزۋ پۋنكتى اۋماعىندا تاپ بولعان.

Abai.kz