ءماجىلىس دەپۋتاتتارى زياتكەرلىك مەنشىك ماسەلەلەرى بويىنشا زاڭ جوباسىن ءبىرىنشى وقىلىمدا ماقۇلدادى. تۇزەتۋلەر مەملەكەت باسشىسىنىڭ «ادىلەتتى قازاقستاننىڭ ەكونوميكالىق باعدارى» اتتى جولداۋىن جۇزەگە اسىرۋ ماقساتىمەن ازىرلەنگەن.

زاڭ جوباسىندا زياتكەرلىك مەنشىك قۇقىقتارىن ساقتاۋ جانە قورعاۋ، ونى دامىتۋعا قولايلى جاعداي جاساۋ، ەلگە ينۆەستيتسيا تارتۋ جانە كرەاتيۆتى ەكونوميكانى دامىتۋ ءۇشىن قوسىمشا قۇقىقتىق قۇرالدار قاراستىرىلعان. ازاماتتىق كودەكسكە (ەرەكشە ءبولىم), «قازاقستان رەسپۋبليكاسىنداعى كەدەندىك رەتتەۋ تۋرالى» كودەكسكە جانە بەس زاڭعا وزگەرىستەر مەن تولىقتىرۋلار ەنگىزىلەدى.

تاۋار بەلگىسى رەتىندەگى بەلگىلەۋدى تىركەۋگە قارسىلىق بەرۋ مەرزىمىن ءبىر ايدان ەكى ايعا دەيىن ۇلعايتۋ ۇسىنىلادى. بۇزۋشىلىقتى تىركەۋگە ءبىر اي جەتكىلىكسىز، ويتكەنى قارسىلىق بەرۋ ءۇشىن بىرقاتار قاجەتتى ماتەريالدى دايىنداۋ قاجەت. ايتپەسە، زاڭسىز تاۋار بەلگىسىن تىركەۋ قاۋپى بار.

سونىمەن قاتار اۆتورلاردىڭ جاريالانعان تۋىندىلارىن تاراتۋعا، كوپشىلىككە جەتكىزۋگە جانە كوپشىلىك الدىندا ورىنداۋعا بايلانىستى قۇقىقتارىنا قوسىمشا شەكتەۋلەر ەنگىزىلەدى. وسىلايشا، زاعيپتار مەن كورۋ قابىلەتى بۇزىلعان نەمەسە باسپا ونىمدەرىن قابىلداۋ قابىلەتى شەكتەۋلى ادامدار اۆتورلاردىڭ كەلىسىمىنسىز باسپا ونىمدەرى مەن جاريالانعان تۋىندىلارعا قول جەتكىزە الادى.

Abai.kz