جۇمىسشى ماماندىق يەلەرىن ەڭبەك نارىعىنا بەيىمدەۋ، مانساپتىق ءوسۋ مۇمكىندىكتەرىن كەڭەيتۋ ەرتەڭگە قالدىرمايتىن ماڭىزدى دا جاۋاپتى ءىس. قازىر ەلوردادا 32 كوللەدج بار. ولار 76 ماماندىق 126 بىلىكتىلىك بويىنشا كادرلاردى دايارلاۋ جۇرگىزەدى.

بۇگىن استانا قالاسىنىڭ ءبىلىم باسقارماسى مەن ادىستەملىك ورتالىقتىڭ ۇيىمداستىرۋىمەن رەسپۋبليكالىق فورۋم ءوتتى. جيىنعا قاتىسقان كوللەدج ستۋدەنتتەرى بيزنەس وكىلدەرىمەن جۇزدەسىپ، جۇمىسقا تۇرۋعا ۇسىنىستار الدى.

كوللەدج ستۋدەنتى ازيز جۇمامۇراتوۆ قازىر 3 كۋرستا وقيدى. تۋرا ءبىر جىلدان كەيىن ەڭبەك نارىعىنا جۇمىسشى مامان ەسەبىندە قادام باسادى. بولاشاعىن بۇگىننەن ويلاعان ول فورۋمعا كاسىپكەرلەرمەن ديالوگ قۇرۋ ءۇشىن ارنايى كەلگەن. ويتكەنى بۇل جەردە قىزمەتكە ورنالاسۋعا مۇمكىندىك مول،-دەيدى.

«مەنىڭ ماماندىعىم جۇمىسشى ماماندىقتار ساناتىنا كىرەتىن بولعاندىقتان مەن وسى فورۋمعا كەلدىم. ءبىز تەوريالىق ءبىلىمدى كوللەدجدە الىپ سول العان ءبىلىمدى وسى دۋالدى وقىتۋ جۇيەسى ارقىلى پراكتيكا جۇزىندە ءبىز بەكىتە الامىز. وسى مۇمكىندىككە مەن ۇلكەن قاتتى ريزامىن. سەبەبى بىزگە وتە كوپ پەرسپەكتيۆالار اشادى»، - دەيدى ول.

ەكونوميكانىڭ نەگىزگى قوزعاۋشى كۇشى – جۇمىسشى ماماندىقتار. ال ولاردى ەڭبەك نارىعىنا ساي بەيىمدەۋ ءۇشىن تەوريالىق ءبىلىم جەتكىلىكسىز. سوندىقتان پراكتيكالىق داعدىلاردى  ارتتىرۋعا بيزنەس وكىلدەرىنىڭ قولداۋى اسا قاجەت. وسى ورايدا باس قوسقان بىرقاتار ۇيىم باسشىلارى كوللەدجدەرمەن مامىلە جاساپ، سەرىكتەستىك ورناتتى. جيىنعا مىڭعا جۋىق ادام قاتىستى.

سۋرەت: mezgil.kz سايتىنان الىندى.

«وسى جۇمىسشى ماماندىقتار جىلىنىڭ دايىندىق اياسىندا بارلىق كوللەدجدەرىمىزگە مودەرنيزاتسيالاۋ جۇمىسى جۇرگىزىلدى. ونىڭ اياسىندا بارلىق تەحنيكالىق جانە كاسىپتىك كوللەدجدەرگە اكادەميالىق دەربەستىك بەرىلدى»، - دەيدى ەسەت بايكەنوۆ.

ەسەت بايكەنوۆتىڭ ايتۋىنشا، مودەرنيزاتسيادان وتكەن بارلىق كوللەدجدەر نارىقتاعى سۇرانىسقا ساي يكەمدەلىپ، ستۋدەنتتەرگە وقۋ بىتىرمەي تۇرىپ كاسىپورىنداردا جۇمىسقا تۇرۋعا مۇمكىندىك بەرەدى. جالپى جۇمىسشى ماماندىقتار جىلى اياسىندا استانادا بيىل 100-دەن استام ءىس-شارا وتكىزۋ جوسپارعا ەندى.

Abai.kz