2025 جىلعى قاڭتار-ساۋىردەگى الەۋمەتتىك–ەكونوميكالىق دامۋ ماسەلەلەرى.

ۇلتتىق ستاتيستيكا بيۋروسىنىڭ بولجامدى دەرەكتەرىنە سايكەس، ەلىمىزدىڭ 2025 جىلعى قاڭتار-ساۋىردەگى الەۋمەتتىك–ەكونوميكالىق دامۋىنىڭ الدىن الا قورىتىندىلارى.
بيىلعى ءتورت ايدىڭ قورىتىندىسى بويىنشا ءجىو ءوسىمى 6%-دى قۇرادى. ەكونوميكانىڭ نەگىزگى سالالارىندا: كولىكتە (22,4%), ساۋدادا (7%) دامۋ قارقىنىنىڭ ارتقانى بايقالادى. ءوسىم اۋىل شارۋاشىلىعى (3,9%) جانە بايلانىس (2,6%) سالالارىندا دا تىركەلدى.

سۋرەت: gov.kz سايتىنان الىندى.

كولىك سالاسىنداعى ءوسىم سالانىڭ جالپى كولەمىندەگى ۇلەستەرى تيىسىنشە 20,5% جانە 19,6%-دى قۇرايتىن تەمىر جول جانە قۇبىر كولىگىمەن جۇكتەردى تاسىمالداۋ جونىندەگى قىزمەتتەر كولەمىنىڭ ۇلعايۋى ەسەبىنەن قامتاماسىز ەتىلدى. جوعارى ديناميكا تۇركىستان (21,8%), جامبىل (11,2%) جانە اباي (14,9%) وبلىستارىندا تىركەلدى.

قۇرىلىس سالاسىندا ناقتى جۇمىس كولەمىنىڭ يندەكسى 16,2%-دى قۇرادى. سونىمەن قاتار قۇرىلىس كەزەڭىن ەسكەرە وتىرىپ، جۇمىستاردى ورىنداۋ قارقىنىن ارتتىرۋ جانە جوبالار قۇنىنىڭ وسۋىنە جول بەرمەۋ ءۇشىن جەرگىلىكتى جەرلەردە قاجەتتى ۇيلەستىرۋدى قامتاماسىز ەتۋ تاپسىرىلدى.

سۋرەت: gov.kz سايتىنان الىندى.

ساۋدا سالاسى ءبىرىنشى توقسانداعى 6,3%-عا قاراعاندا 7% تۇراقتى ءوسۋدى كورسەتتى. كوتەرمە ساۋدا كورسەتكىشى 7,4%-عا، بولشەك ساۋدا كورسەتكىشى 6,1%-عا دەيىن ءوستى. بىرقاتار وڭىرلەر: تۇركىستان وبلىسى – جەمىستەردى، كوكونىستەردى، فارماتسەۆتيكالىق تاۋارلاردى ساتاتىن كاسىپورىندار ەسەبىنەن 60,4%; اقمولا وبلىسى – استىقتى، تۇقىمداردى جانە مال ازىعىن ساتاتىن كاسىپورىنداردىڭ ارقاسىندا 44%; شىمكەنت – ديزەل وتىنىن، فارماتسەۆتيكالىق تاۋارلاردى، قارا جانە ءتۇستى مەتالداردىڭ سىنىقتارى مەن قالدىقتاردى ساتاتىن كاسىپورىندار ەسەبىنەن 19,8%-عا جوعارى ءوسىمدى كورسەتتى.

سۋرەت: gov.kz سايتىنان الىندى.

ونەركاسىپتە ءوندىرىس يندەكسى 6,4% جەتتى. ءوسىم تاۋ-كەن سەكتورىندا – 7,1%، اتاپ ايتقاندا كومىر ءوندىرۋدى ۇلعايتۋ ەسەبىنەن (11,2%) بايقالىپ وتىر. وڭدەۋ ونەركاسىبىندە كورسەتكىش 7,2% قۇرايدى، ونىڭ ىشىندە تاماق ونىمدەرىن وڭدەۋ (12%), تەمەكى ونىمدەرىن (26,3%), حيميالىق ونىمدەردى ءوندىرۋ (11,2%) جانە ماشينا جاساۋ (11,2%).

اۋىل شارۋاشىلىعى وڭ ديناميكانى كورسەتۋدە. جالپى ءونىم يندەكسى قاڭتار-ءساۋىر ايلارىندا 3,9%-دى قۇرادى.
ۇكىمەت پرەزيدەنتتىڭ ەلىمىزدىڭ ورنىقتى الەۋمەتتىك-ەكونوميكالىق دامۋىن قامتاماسىز ەتۋ جونىندەگى تاپسىرمالارىنىڭ ساپالى ىسكە اسىرىلۋىن باقىلاۋدا ۇستايدى.

Abai.kz