تارازدا الماتى وبلىسىنداعى اۋداندىق ءماسليحات دەپۋتاتىن سوققىعا جىققاننان كەيىن قىلمىستىق ءىس قوزعالدى.

دەپۋتات بەت سۇيەكتەرىنىڭ سىنۋى سالدارىنان اۋرۋحاناعا ءتۇستى.

تارازدا ىلە اۋداندىق ءماسليحاتىنىڭ دەپۋتاتى نۇرلان بايعازيەۆكە جاسالعان شابۋىلدان كەيىن قىلمىستىق ءىس تەرگەلىپ جاتىر.

وقيعا 13 مامىردا پوليتسيا دەپارتامەنتىنىڭ جانىنداعى ءدامحانادا بولعان. Taraznews.kz-ءتىڭ جازۋىنشا، دەپۋتاتقا، الدىن الا مالىمەت بويىنشا، كاستەتپەن سوققى جاسالعان.

Telegram-داعى "زا نامي پريەحالي" ارناسىنىڭ حابارلاۋىنشا، بايعازيەۆ بەت سۇيەگىنىڭ سىنۋىمەن اۋرۋحاناعا جەتكىزىلگەن، بىراق گوسپيتاليزاتسيادان باس تارتقان.

قازىر بۇل ءىس "بۇزاقىلىق" بابى بويىنشا تەرگەلىپ جاتىر. كۇدىكتى انىقتالىپ، پوليتسياعا جەتكىزىلدى. تەرگەۋ امالدارى جۇرگىزىلۋدە.

Abai.kz