Terminals Holding ء(باا) استانا اۋەجايىن، ارنايى ەكونوميكالىق ايماقتى جانە وعان ىرگەلەس اۋماقتاردى دامىتۋعا ينۆەستيتسيا قۇيادى: ستراتەگيالىق سەرىكتەستىك پەن ينۆەستيتسيالار تۋرالى مالىمەتتەر

Terminals Holding ءوزىنىڭ ەنشىلەس كاسىپورنى Terminals Astana Airport Limited كومپانياسىمەن استانا قالاسىندا ورنالاسقان نۇرسۇلتان نازارباەۆ حالىقارالىق اۋەجايىن سەنىمگەرلىك باسقارۋ تۋرالى 25 جىلدىق ينۆەستيتسيالىق كەلىسىم-شارت جاساسقانىن قۋانا حابارلايدى. بۇل ماڭىزدى وقيعا قازاقستاننىڭ نەگىزگى كولىك تورابى دامۋىنا جاڭا دەم بەرىپ، ونىڭ ماڭىزدى الەۋەتىنە دەگەن سەنىمىمىزدى راستايدى.

نەلىكتەن ءبىز استانا اۋەجايىنا ينۆەستيتسيا سالۋدى شەشتىك؟

بۇل اۋقىمدى ينۆەستيتسيانى سالۋ تۋرالى شەشىمىمىز اۋەجايدى جەدەل باسقارۋدى قولعا العاننان كەيىن 2023 جىلدىڭ قاراشاسىندا باستالعان ءبىر جىلعا سوزىلعان ءجىتى تەكسەرۋدەن كەيىن قابىلداندى. كەشەندى تالداۋ نىساننىڭ قازىرگى ۋاقىتتاعى جاي-كۇيىن ەگجەي-تەگجەيلى ساراپتاۋدى، ونىڭ ىشىندە انىقتالعان قارجىلىق قيىندىقتاردى (اۋەجايدىڭ 2023 جىلعى شىعىنى 14 ملرد تەڭگەدەن استامدى قۇرادى), ستراتەگيالىق پەرسپەكتيۆالار مەن جاڭعىرتۋ مۇمكىندىكتەرىن باعالاۋدى قامتىدى.

ءبىزدىڭ باسقارۋدىڭ ءبىرىنشى جىلىنىڭ وزىندە، ياعني 2024 جىلى اۋەجاي 790 ميلليون تەڭگە كىرىسكە قول جەتكىزىپ، كەرەمەت ناتيجە كورسەتتى. بۇل ەلەۋلى پروگرەسكە بىرقاتار وپەراتسيالىق جەتىلدىرۋلەر ارقاسىندا قول جەتكىزىلدى: ءبىز كوممەرتسيالىق كەڭىستىكتى پايدالانۋدى وڭتايلاندىرىپ، زاماناۋي باسقارۋ جۇيەلەرىن، سونىڭ ىشىندە جولاۋشىلاردى بيومەتريالىق سايكەستەندىرۋ مەن اۆتوماتتاندىرىلعان باقىلاۋ-وتكىزۋ پۋنكتتەرىن ەنگىزدىك، سونداي-اق ترانزيتتىك جولاۋشىلار ءۇشىن اۋەجايدىڭ تارتىمدىلىعىن ارتتىراتىن ءوزارا ءىس-قيمىلدىڭ نەعۇرلىم اشىق جانە ءتيىمدى جۇيەسىن قۇرۋ ءۇشىن جالعا بەرۋشىلەر اراسىنداعى قارىم-قاتىناستاردى قايتا انىقتادىق.

جولاۋشىلار اعىنى 2023 جىلى جىلىنا 7,5 ميلليون جولاۋشىدان 2024 جىلى 8,3 ميلليون جولاۋشىعا دەيىن ءوستى.

2024 جىلى جۇرگىزىلگەن تالداۋ ناتيجەلەرى مەن جوبانىڭ بولاشاعىن ايقىنداعان العاشقى تابىستارعا سۇيەنە وتىرىپ، ءبىز استانا اۋەجايىن دامىتۋعا باعىتتالعان كەشەندى باعدارلامانى جۇزەگە اسىرۋ تۋرالى شەشىم قابىلدادىق. باعدارلاما اياسىندا تىكەلەي ينۆەستيتسيا كولەمى 153 ميلليارد تەڭگەنى قۇرايدى. سونىمەن قاتار، الداعى 25 جىل ىشىندە ءۇشىنشى تاراپتاردان 393 ميلليارد تەڭگەگە دەيىن جاناما ينۆەستيتسيالار تارتۋ كوزدەلىپ وتىر. بۇل قاراجات ينفراقۇرىلىمدى اۋقىمدى تۇردە كەڭەيتۋگە باعىتتالادى.

قاراجات قايدا ينۆەستيتسيالانادى؟

قاراجات حالىقارالىق قاۋىپسىزدىك جانە تيىمدىلىك ستاندارتتارىنا سايكەس كەلەتىن ۇزىندىعى 3,5 كم قۇرايتىن جاڭا (قوسىمشا) ۇشۋ-قونۋ جولاعىنىڭ قۇرىلىسىنا جۇمسالماق. جاڭا ۇشۋ-قونۋ جولاعى اۋەجايدىڭ وتكىزۋ قابىلەتىن ايتارلىقتاي ارتتىرىپ، ۇشىپ-قونۋ وپەراتسيالارىن قاتار جۇرگىزۋ مۇمكىندىگىن قامتاماسىز ەتەدى.

اۋەجايدىڭ وتكىزۋ قابىلەتىن 2033 جىلعا قاراي جىلىنا 15 ميلليون جولاۋشىعا دەيىن جانە 2053 جىلعا قاراي 30 ميلليون جولاۋشىعا دەيىن ارتتىرۋعا مۇمكىندىك بەرەتىن قولدانىستاعى ت2 جولاۋشىلار تەرمينالىن كەڭەيتۋ جانە جاڭا حالىقارالىق ت3 تەرمينالىنىڭ قۇرىلىسىن باستاۋ

2053 جىلعا قاراي جۇك اينالىمىن قازىرگى ماكسيمۋم 12 000 توننادان 130 000 تونناعا دەيىن ۇلعايتۋ ماقساتىندا جۇك تەرمينالىن جاڭعىرتۋ، ونىڭ ىشىندە قويما كەڭىستىگىن كەڭەيتۋ جانە زاماناۋي لوگيستيكالىق تەحنولوگيالاردى ەنگىزۋ.

ءوسىپ كەلە جاتقان رەيستەرگە ۇزدىكسىز قىزمەت كورسەتۋ ماقساتىندا جانار-جاعارماي قۇيۋ كەشەنىنىڭ اۋماعىن 5,2-دەن 11,6 گەكتارعا دەيىن ۇلعايتۋ

ينۆەستيتسيالىق باعدارلامامىزدا قوناق ءۇي كەشەندەرىن، ىسكەرلىك جانە ساۋدا ورتالىقتارىن، سونداي-اق زاماناۋي كورمەلەر مەن كونفەرەنتس-زالداردى قامتيتىن Aero City يننوۆاتسيالىق كوپفۋنكتسيونالدى كلاستەرىن قۇرۋعا ەرەكشە كوڭىل بولىنەدى. Aero City جوباسى اۋەجايدىڭ تارتىمدىلىعىن ارتتىرىپ قانا قويماي، جاڭا جۇمىس ورىندارىن اشىپ، بۇكىل ايماقتىڭ ەكونوميكالىق دامۋىنىڭ كاتاليزاتورىنا اينالادى. سونىمەن قاتار، بۇل جوبا ءۇشىنشى تاراپتاردان قوسىمشا ينۆەستيتسيالار تارتۋعا جانە جەرگىلىكتى ەكونوميكانىڭ وسۋىنە ىقپال ەتەدى.

بارلىق ينۆەستيتسيالار قازاقستاننىڭ مەملەكەتتىك بيۋدجەتىنىڭ قاراجاتىن پايدالانباي جۇزەگە اسىرىلاتىنىن ەرەكشە اتاپ وتكەن ءجون.

ءبىزدىڭ سەرىكتەستىك بارلىق تاراپتاردىڭ مۇددەلەرىن تولىعىمەن ەسكەرەتىنىن ەرەكشە ماقتان تۇتامىز. نەگىزگى ينفراقۇرىلىمعا مەنشىك قۇقىعى «نۇرسۇلتان نازارباەۆ حالىقارالىق اۋەجايى» اق-دا قالادى، ال مەملەكەت بيۋدجەتكە تۇراقتى كىرىستەردى الۋدى جالعاستىرادى.

اۋەجايدىڭ بارلىق قىزمەتكەرلەرى كەپىلدەندىرىلگەن تۇراقتى جۇمىسقا ورنالاسۋ ارقىلى ءوز جۇمىستارىن جالعاستىرادى، سونىمەن قاتار ءبىزدىڭ باعدارلامامىزدا قىزمەتكەرلەردى وقىتۋ جانە بىلىكتىلىگىن ارتتىرۋ بويىنشا ارنايى باستامالار بار.

ءبىزدىڭ العان قويعان ۇلكەن ماقساتتارىمىز بار

بۇل اۋقىمدى جوبانى جۇزەگە اسىرۋ استانا اۋەجايىن جوعارى الەمدىك ستاندارتتارعا سايكەس كەلەتىن زاماناۋي حالىقارالىق اۆياتسيالىق حابقا اينالدىرادى. بۇل سەرىكتەستىك قازاقستاننىڭ كولىك ينفراقۇرىلىمىن دامىتۋعا جانە ەكى ەل اراسىنداعى ەكونوميكالىق بايلانىستى نىعايتۋعا ماڭىزدى ۇلەس قوساتىنىنا سەنىمدىمىز.

ءبىز، Terminals Holding كومپانيالار توبى، الەمنىڭ ءارتۇرلى ايماقتارىندا اۋەجايدى باسقارۋ جانە اۆياتسيالىق قىزمەتتەردى كورسەتۋ سالاسىندا ءتيىستى تاجىريبەمىز بار جانە ءبىز بۇل جوبانى ستراتەگيالىق ماڭىزدى ءارى ۇزاق مەرزىمدى دەپ سانايمىز. ءبىز «نۇرسۇلتان نازارباەۆ حالىقارالىق اۋەجايى» اق-مەن سەرىكتەستىگىمىز تابىستى حالىقارالىق ىنتىماقتاستىق ۇلگىسىنە اينالىپ، جولاۋشىلاردىڭ جايلىلىعى ءۇشىن ايتارلىقتاي وزگەرىستەر اكەلەتىنىنە سەنىمدىمىز.

Abai.kz