ءماجىلىس دەپۋتاتى ءۇنزيلا شاپاق كونستيتۋتسيانىڭ 30 جىلدىعىنا وراي قانشا ادامعا راقىمشىلىق جاسالاتىنىن ايتتى، دەپ حابارلايدى BAQ.KZ ءتىلشىسى.

دەپۋتاتتىڭ دەرەگىنشە، 4,1 مىڭ ادام بوساتىلادى.

الدىن الا ەسەپ بويىنشا، قىلمىستىق اتقارۋ مەكەمەلەرىنەن شامامەن 632 سوتتالعان، پروباتسيا قىزمەتىنىڭ تىزىمىندە تۇرعان 3,5 مىڭ ادام بوساتىلماق. ال باس بوستاندىعىنان ايىرۋ ورىندارىنداعى 5,4 مىڭ سوتتالعانعا جانە پروباتسيا قىزمەتىنىڭ ەسەبىندە تۇرعان 5,5 ادامعا جازانىڭ وتەلمەگەن مەرزىمىن سارالاپ قىسقارتۋ قولدانىلادى. سوندا، بارلىق مەرزىم قىسقارتۋ 11 مىڭ ادامدى قامتيدى، - دەيدى ءۇنزيلا شاپاق.

ەسكە سالايىق، بۇعان دەيىن ءماجىلىس دەپۋتاتتارى كونستيتۋتسيانىڭ 30 جىلدىعىنا وراي راقىمشىلىق جاساۋ تۋرالى زاڭ جوباسىن قولدادى.

ماجىلىستە "قازاقستان رەسپۋبليكاسى كونستيتۋتسياسىنىڭ وتىز جىلدىعىنا بايلانىستى راقىمشىلىق جاساۋ تۋرالى" زاڭ جوباسى قارالدى. قۇجات بويىنشا ازاماتتار مەن مەملەكەتتىڭ قاۋىپسىزدىگىنە ەلەۋلى قاتەر توندىرمەيتىن قىلمىستار جاساعان ادامداردى، سونداي-اق الەۋمەتتىك وسال ساناتتاعى سوتتالعانداردى بوساتۋ ۇسىنىلادى.

زاڭناما جانە سوت-قۇقىقتىق رەفورما كوميتەتىنىڭ ءتورايىمى سنەجاننا يماشەۆانىڭ ايتۋىنشا، راقىمشىلىققا كامەلەتكە تولماعاندار، جۇكتى ايەلدەر، كامەلەتكە تولماعان بالالارى بار انالار، ۇلى وتان سوعىسىنا قاتىسۋشىلار مەن مۇگەدەكتەر، سونداي-اق زەينەتكەرلەر مەن ولارعا تەڭەستىرىلگەن ازاماتتار ىلىگۋى مۇمكىن.

Abai.kz