قارۋلى كۇشتەردىڭ ارنايى وپەراتسيالار كۇشتەرىنىڭ كومانداسى 14-ءشى Warrior Competition 2025 حالىقارالىق جارىسىنا دايىندىقتىڭ سوڭعى كەزەڭىنەن ءوتىپ جاتىر.

جىل سايىنعى جارىستار يوردانيادا كورول ابداللا اتىنداعى ارنايى وپەراتسيالار كۇشتەرىن دايارلايتىن ورتالىقتىڭ پوليگونىندا وتەدى. بيىل بايراقتى باسەكەگە الەمنىڭ 40-قا جۋىق ەلىنەن مىقتى دەگەن ەليتالىق بولىمشەلەردىڭ قاتىسۋى جوسپارلانۋدا.

اسكەري قىزمەتشىلەر ۇرىس جۇرگىزۋ تاكتيكاسىن، شابۋىلداۋ ءىس-قيمىلدارىن، اتۋدى، ەۆاكۋاتسيا ەلەمەنتتەرىن جانە توپ قۇرامىنداعى ءوزارا ءىس-قيمىلدى پىسىقتايدى.

دايىندىق تاۋلى جەرلەردە، ىستىق اۋا رايىندا جانە شەكتەۋلى رەسۋرستار جاعدايىندا جۇزەگە اسىرىلادى.

ساباقتار توزىمدىلىكتى، پسيحولوگيالىق تۇراقتىلىقتى جانە جىلدام شەشىم قابىلداۋدى تەكسەرۋگە باعىتتالعان.

ارنايى وپەراتسيالار كۇشتەرىنىڭ جاۋىنگەرلەرى ەلدىڭ اتىنان ابىرويمەن شىعىپ، كاسىبي دايىندىقتىڭ جوعارى دەڭگەيىن كورسەتۋ ءۇشىن ءبارىن جاسايتىنىنا ۇلكەن سەنىم ارتامىز.

Abai.kz